Synod Revival Department chuan March 18, 2015 atang khan Synod Revival Speaker-te pualin Synod Conference Centre-ah Retreat a buatsaih a, retreat hian March 20, 2015 (Zirtawpni) thleng a awh ang.
March 18, 2015 zan khan Retreat Hawnna Inkhawm neih a ni a, Rev. Lalzuithanga, Senior Executive Secretary-in inkhawm a kaihruai a, Synod Moderator Rev. Lalrinmawian Keynote Address a pe. Tun tum retreat-ah hian Synod Revival Speaker 64 an tel a, retreat hawnna inkhawmah hian Synod Revival Committee member 11 ten an telpui bawk. Retreat neih chhung hian mithiamte paper buatsaih hmangin thupui hrang hrang zirho a ni ang a, sawihona hun leh zawhna leh chhanna hun pawh neih thin a ni ang.
Thupui hrang hrang zir dan tur hetiang a ni :
Kohhran ropuina leh a pawimawhna - Rev. R. Lalengzauva
Mizoram Presbyterian Kohhran kalphung - Upa C. Lalmuankima
Synod Revival Rawngbawlna - Rev. R. Lalnuntluanga
Rawngbawltu leh Materialism - Rev. Lalzuithanga, Senior Executive Secretary