April 5 & 6, 2017 hian Central Kohhran Hmeichhe Committee member-te pualin Leadership Training & Retreat, Synod Conference Centre-ah neih a ni.
Nizan dar 7:00 khan Sermon Inkhawm neih a ni a, Rev. Lianhmingthanga Sailo, Synod Secretary (Sr.) in Pathian thuchah a sawi a, tawngtairualna hun hman a ni bawk. Inkhawm banah hian Inhmelhriattirna leh sharing hun hman zui a ni. Vawiin (April 6, 2017) zing karah Rev. P.C. Pachhunga, Executive Secretary i/c Kohhran Hmeichhia in hun hmanpuiin thuchah a sawi a, chawhma lamah Pi H. Lalpianthangi, Central Kohhran Hmeichhe Secretary hovin ‘Central Committee-te rawngbawl dan kalphung inhriattirna leh sawihona’ neih a ni a, chawhnu lamah Upa R. Lalmalsawma, Prescom Manager hovin ‘Leadership Training & Sawihona’ neih leh a ni a, zanah ‘Sum Vawn Dan’ tih thupui Tv. Zaihmingthanga, Accountant, Synod Office in a zirpui ang. Kohhran Hmeichhia Central Committee te hian kum 1993 atang khan term thar apiangin Leadership Training leh Retreat hi an nei thin a. Kum 2017 - 2019 hruaitute pualin tun tumah hian an nei ve leh a ni.