May 4, 2025 (Pathianni) chawhnu dar 1:30 khan Venghlui Kohhran Biak Inah Synod Mission Board hnuaia thawk tur Missionary 50 (mipa 16 leh hmeichhia 34) tirh chhuah inkhawm neih a ni.
Tirh chhuah inkhawm hi Rev. R. Lalhmingsanga, Secretary, Synod Mission Board-in a kaihruai a, Upa Lalthahluna Ralte, Coordinator, Synod Mission Board-in Missionary tirh chhuahte inhmelhriattirna a nei a, Rev. R. C. Lalnghakliana, Synod Moderator-in tirh chhuahna hun hmangin thuchah a sawi a, tirh chhuahte aiawhin Lalthangmawia’n thu tawi a sawi bawk. Rev. Dr. Rosiamliana Tochhawng, Executive Secretary i/c Mission-in tawngtaisakna hun a hmang. He hunah hian Synod Mission Choir leh Venghlui Bial Zaipawl te an zai bawk. Kum 2025-a Missionary pension-a chhuak mi 28 hnenah Citation hlan a ni.
Tirh chhuahte hi hetiang hian an hna tur ruat a ni:
Evangelist Teacher-ah mi 21
Evangelist-ah mi 20
Medical-ah mi 5
Craft Teacher-ah 4, te an ni.
Tirh chhuahte hian April 7-29, 2025 chhûng khan ATC Inter-Cultural Hall, Durtlangah Residential Missionary Pre-Service Orientation Training an lo nei tawh a, Orientation training-ah hian an awmna tur chanchin te, rawngbawl dan tur kal hmang te leh thil pawimawh hrang hrang te an zir a ni. Tirh chhuah an nih hnu hian an awmna tur hmun theuh an pan tawh ang.
For more Pics Click Here