May 2 - 7, 2025 chhung hian Synod Mission Board buatsaih Missionary Refreshers Course Training vawi 19-na chu Missionary Training College, Mission Vengthlangah neih mek a ni.
Missionary training tura kohte hi Evangelist Teacher (Headmaster leh Asst Head telin) 18 leh Evangelist 12, an vaiin mi 30 an ni a. North East Region atangin 29 leh Calcutta Mission Field atangin 1 an ni.
May 2, 2025 chawhma dar 9:00 khan Missionary Training College-ah inlawmna leh inhmelhriattirna hun hman a ni a. Training chhung hian ni tin chawhma dar 10:15 a.m - 12:20 a.m leh chawhnu dar 1:00 p.m - 2:00 p.m chhung class neih thin a ni ang a, zing 9:00 a.m - 10:00 a.m leh zan 7:00 p.m-ah devotion neih thin a ni bawk ang.
Training-ah hian Mission kaihnawih subject chi hrang hrang bakah mi thiam hrang hrangte sâwmin rawngbawlna atana tangkai turte zirho thin a ni. Heng bakah hian group hrang hranga insiamin khawpui chhung kohhran 10 ah hun an hmang dawn bawk a ni.