Vawiin (May 6, 2025) chawhma dar 10:00 khan J.M. Lloyd Hall, Synod Office-ah Synod Hospital Board vawi 151–na an thu a, member 52 an kal.
Meeting hi Rev. R.C. Lalnghakliana, Synod Moderator-in a kaihruai a, Dr. R.L. Sanghluna, Secretary-in report a pe. Report-ah hian Mobile Clinic neih a nih thu te, Christian Medical Association of India (CMAI)-in a ruahman anga Healing Ministry Week hman a nih thu te, Chaplaincy committee ruahman angin Synod Hospital-a thawktute leh zirlaite puala retreat neih a nih thu te, Nephrology Ward thar hawn a nih thu te, MRI khawl thar lei a nih thu te, April 2025 chhunga thilpek hrang hrang dawn a nih thu leh April 2025 chhungin Kohhran, mimal, thianho leh pawl hrang hrang atangin Hospital Charity Fund ` 3,02,980 dawn a nih thu te tarlan a ni.
Tun tum thutkhawmah hian thu rel tura chhawpchhuah pakua a awm a ni.
Kumin 2025 March thla chhung khan damlo mi 1321 admit an ni a, nau piang 130 awmin mitthi hi 24 an awm thung a ni. Hospital OPD, Dr. Fraser's Clinic leh Mobile Clinic-a inentir hi an vaiin mi 8,036 an ni.
For more Pics Click Here