Vawiin (May 8, 2025) khan Dawrpui Multipurpose Hall-ah ‘One Day Workshop on PES Management’ programme hman a ni.
Workshop hi hun thuma then a ni a, hun khatna hi Upa Lalthanzama, PES Committee member-in a kaihruai a, Upa P.C. Vanlalhruaia, Supervisor hnen atangin thupuan leh report ngaihthlak a ni a, Rev. Dr. Rosiamliana Tochhawng, Executive Secretary i/c Education-in PES kalphung sawi zauna neiin fuihna thu a sawi bawk.
Hun hnihna hi Upa Dr. Lalrinmawia, PES Committee member-in a kaihruai a, Resource person Pu K. Lallianzuala, Secretary, Synod Education Board buatsaih ‘Role & Functions of School Principals and Management Board’ tih chu zirho a ni.
Hun thumna hi Upa P.C. Vanlalhruaia, Supervisor of Schools-in a kaihruai a, hun thumnaah hian sawihona neih a ni.
Workshop hi Presbyterian English School (PES) Sub-committee buatsaih a ni a. Workshop-ah hian PES Principal bâkah Board Chairman emaw Board aiawh mi 280 an kal.
Tun dinhmunah PES hnuaiah hian School 172 a awm mek a ni.