Vawiin (May 22, 2025) chawhma dar 10 khan J.M. Lloyd Hall, Synod Office-ah Synod Finance Department buatsaihin Bial Treasurer-te pual Training neih a ni a, bial hrang hrang atangin bial Treasurer 101 an kal.
Training hi Rev. Dr. K. Lallawmzuala, Finance Officer, Mizoram Synod-in hawnna leh Pathian hnena hlanna hun a hmang a, inhmelhriattirna te neih a nih hnuah Pu Zaihmingthanga Fanai, Accountant, Synod Office-in ‘Synod Financial Rules leh tunlai thil tharin sum vawn leh enkawl chungchang a khawih dante,’ tih thu hmangin a training a pe a ni. Chawhnu lamah Upa F. Lalhmangaiha, Finance Manager, Synod Office-in ‘Tunlai thil thar leh income tax laka harsatna awm theite’ tih thupui hmangin training a pe veleh a, zawhna leh chhanna hun hman a ni bawk.
Tun tum Bial Treasurer-te pual training hi a tum thumna a ni a, training-ah hian Bial sum vawngtute tana tangkai tur leh hriattur pawimawh hrang hrangte mi thiamten an zirtir thin a ni.
For more Pics Click Here