Nizan (May 22, 2025) atang khan Home Mission & Cachar Tlangram Missionary Retreat vawi 5-na chu Dawrpui Vengthar Kohhran Biak Inah tan a ni ta. Tun tum retreat-ah hian missionary 1215 an tel thei a ni. Retreat hi May 25, 2025 (Pathianni) zanah a tiak ang.
Retreat-ah hian thupuiah “Thiltihtheihnaa thuam’ (Eph 6:10) tih hman a ni a, Speaker atan Rev. Lalsangbera, Mission Veng an hmang ang.
Nizan (May 22, 2025) khan Vantlang Pathian Biak Inkhawm neih a ni a, inkhawm hi Rev. R. Lalhmingsanga, Synod Mission Board Secretary-in kaihruaiin inlawmna thu a sawi a, Upa Lalthahluna Ralte, Synod Mission Board Coordinator hnen atangin inhmelhriattirna leh SMB Report ngaihthlak a ni. Synod Moderator Rev. R.C. Lalnghakliana’n Keynote Address a pe a, Bawngkawn Pastor Bial Zaipawl leh Venghnuai Pastor Bial Zaipawl te an zai bawk.
Vawiin (May 23, 2025) hian chawhma lamah Upa S. Lalthanga, BEC Member-in inkhawm a kaihruai a, Upa Dr. C. Lalhrekima, Mission Veng paper buatsaih ‘Mental and Physical Health Awareness’ tih zir ho a ni a, sawi hona hun hman a ni. Chawhnu lamah Rev. Dr. Lalchawimawia, BEC Member-in inkhawm a kaihruai a, Rev. Dr. KM Vanlalpeka, ATC paper buatsaih ‘Counselling and Inter-personal relationship’ tih zir ho leh a ni a, sawi hona hun hman a ni bawk.
Zanah Vantlang Pathian Biak Inkhawm a awm leh ang a, Upa Vanlalsawma Siakeng, Synod Secretary-in inkhawm a kaihruai ang. Speaker hnen atangin Pathian thuchah ngaihthlak a ni ang a, ITI Veng Pastor Bial Zaipawl leh Luangmual Pastor Bial Zaipawlte an zai bawk ang. Zanin atanga Pathianni zan inkhawm ban apiangin Zaikhawm neih thin a ni ang.
May 24, 2025 (Inrinni) chawhma inkhawm chu Rev. R. Lalrinsanga, BEC Member-in a kaihruai ang a, hetiang hian paper zir ho leh a ni ang :-
Group 1 :
Zirna hmasawn dan tur - Dr. Lalmawipuii Chawngthu, Asst. Professor, IASE
Zirtir dan tha - Ms. Lalrinfeli Khiangte, Asst. Professor, IASE
Group 2 :
Nunho dan tha - Dr. Donna Lalnunfeli, Asst. Professor, IASE
Inbiak pawh dan kalphung leh tha - Ms. Lalhlimpuii Ralte, IASE
Chawhnu lamah Fakna Inkhawm a awm ang a, Upa Saithanzuala, BEC Member-in inkhawm kaihruaiin Mizoram Synod Choir-ten zai an hruai ang a, Testimony sawi leh Inhlan tharna nen hun hman a ni ang. Zan Vantlang Pathian Biak Inkhawmah Rev. C. Sapkaia, BEC Member-in inkhawm a kaihruai ang a, Speaker-in Pathian thuchah a sawi leh ang a, Tanhril Pastor Bial Zaipawl leh Venghlui Pastor Bial Zaipawl te an zai ang.
May 25, 2019 (Pathianni) chawhmaah Rev. V.L. Luaia Hranleh, Senior Executive Secretary-in inkhawm a kaihruai ang a, Speaker hnen atangin Pathian thuchah ngaihthlak a ni ang a, Mizoram Synod Choir, Vaivakawn Pastor Bial Zaipawl leh Nl. Zoramchhani te an zai ang. Chawhnu inkhawmah Rev. R. Vanlalnghaka, BEC Member-in inkhawm a kaihruai ang a, thawktu thi te - Pu C. Lalrinliana, Supervisor of Schools, PES; Pi Lalengzuali, Staff Nurse, Joypur, Barak Area leh Pu H. Laltleipuia, Tent Making Missionary, BM Christian Hospital, Alipur te sunna hun hman a ni ang a, Rev. Dr. Rosiamliana Tochhawng, Executive Secretary i/c Mission hnen atangin Pathian thuchah ngaihthlak a ni ang a, Mizoram Synod Choir leh Pu Vanlalsailova te an zai ang. Zan inkhawmah Rev. D. Zobiaka, Bialtu Pastor-in inkhawm a kaihruai ang a, Rev. R. Lalhmingsanga, Synod Mission Board Secretary-in Pathian thuchah a sawi ang a, Mizoram Synod Choir leh Dawrpui Vengthar Kohhran Zaipawl te an zai ang.