April 26, 2017 khan Synod Ramthar Board Committee Vawi 159-na chu Synod Office a Lloyd Hall-ah an thu a, Commiittee hi Rev. Lalzuithanga, Synod Moderator-in a kaihruai a, Rev. K. Lalrinmawia, Secretary, Synod Ramthar Board-in report a pe.
Ruahman lawk anga Field hrang hrang committee thawhkhatna tluang taka neih a nih thu te leh thawktute inpekna a ropui thu te, Tripura Misssion Field –ah April 2, 2017 khan Tripura Presbyterian Church Provisional Synod hawn a nih thu te, Synod Mission Board hnuaia Contract Misssionary mi 15 lak belh leh an nih thu te leh May 15-19, 2017 chhungin Field Secretary leh Misssionary Pastor te puala Missionary Orientation buatsaih a ni tur thu te leh kumin January atanga March thla chhungin Field hrang hranga ringthar kan neih zawng zawng chu mi 938 a nih thu te report a ni a. Report a a lan danin Pawisa kum kalta 2016-17 chhungin Mission-in sum hmuh beisei hmu phak lo mahse hmanral aiin hmuh ala tam tho va, Mission-a sum hmuh zat chu Rs. 80,11,77,360.00 a ni a, hman zawng zawng chu Rs. 73,76,09,584.00 a ni a, hman bang Rs. 63,56,77,76.00 lai ala tling a ni.
Board committee-ah hian Joint Pastorate Meeting Presbytery a hlankai chungchang te, Dibrugarh Biak In hming thlak te, Assam Misssion Field Heaquarters ram hming thlak thu te, Odisha-a Restoration India Mission in Presbyterian Church of India –a inchhunluh an dilna te leh thil pawimawh chi hrang hrang te an ngaihtuah a ni.