Kohhran Hmeichhia
May 30 - June 1, 2025 chhung khan Keifang Bialah Leadership Training leh Kristian Chhungkaw Campaign neiin committee member-te, Pi Lalthansangi, Pi Lalramngaii leh Pi Lalnghakliani te an kal.
Kristian Thalai Pawl
May 29, 2025 (Ningani) chhun dar 12:00 khan UD & PA buatsaih Aizawl Khawpui faina leh thianghlimna kawnga (Faina kawnga harhtharna leh Hmathlir) Talk Show, IGNITE STUDIO-ah Central KTP aiawhin committee member-te, Tv. P.C. Lalthanmawia, Pu David Lalruatfela, Pu Rochhingpuia, T.Upa Lalremsiama Khiangte leh Upa Lalbiakfela te an tel. He hunah hian Central KTP aiawhin Tv. P.C. Lalthanmawia’n thu a sawia, KTP ten Faina kawnga kan hmalakna hrang hrang leh hmachhawp te a sawi.
May 31 – June 1, 2025 chhung khan Saitual Pastor Bial leh Saitual Chhim Veng Bial KTP Joint Meet, Saitual Kohhran Biak Inah hman a ni a, hemi hunah hian Pu Lalruatfela, Asist. Leader, Upa Lalzarmawia, General Secretary leh committee member-te, Pu C. Hmingthanzauva leh Pu Rochhingpuia ten an hman pui a, Mizoram Synod Choir-te an zai bawk.
June 2, 2025 (Thawhtanni) zan khan Tlungvel Vengthar Branch Member 110 Inkhawm hun hmanpuiin committee member-te, Pu C. Hmingthanzauva leh Upa Lalbiakfela te an kal.
June 2, 2025 (Thawhtanni) zan khan Darlawng Branch KTP Evengelical Night hmanpuiin Pu C. Lalkhawngaiha, Assist. Secretary leh Tv. Vanlalremliana, committee member te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Ngentiang Kohhran Biak In bul leimin lungrem nan Rs.5,00,000/-, Thenzawl Field Veng, Buangpui leh Neihloh khuaa in chhia chhungkaw 11 hnenah Rs.1,02,000/-, Chekawn Kohhran Leimin dawlna atan Rs.50,000/-, Bawngkawn leh Bawngkawn Shalom-a leimin tuar chhungkaw pathum hnenah Rs.36,000/-, W. Lungdar Kohhran Lungremna atan Rs.30,000/-, Zote South-a vanduaina tawk chhungkaw pakhat hnenah Rs.20,000/-, Kawnpui Hmarvenga damlo mi pathum hnenah Rs.10,000/- theuh, West Phailenga leimin tuar chhungkaw pahnih hnenah Rs.23,000/-, Kanhmun North-a leimin tuar chhungkaw pahnih hnenah Rs.16,000/-, Mamit Dinthara damlo mi pakhat hnenah Rs.10,000/-, Chhiahtlang Chanmari-a khawsak harsa chhungkaw pakhat hnenah Rs.10,000/-, ITI Venga damlo mi pakhat hnenah Rs.10,000/- leh W. Bunghmuna damlo mi pakhat hnenah Rs.10,000/- pek a ni.