June 11-13, 2025 chhung hian Devotion Hall, Synod Office-ah Synod Mission Board hnuaia Headmaster leh Office Assistant tharte tan Seminar buatsaih mek a ni a, seminar-ah hian Field hrang hranga Headmaster leh Office Assistant thar mi 14 an tel a ni.
Seminar chhung hian rawngbawlna atana pawimawh tur thupui chi hrang hrang - SMB School Administration and Management, Account vawn leh a kaihhnawih, Office file vawn, thawktute thlarau nun leh thawh hona, record & document vawn leh synod service chungchang te mi thiam hrang hrangin an zirtir a ni.
Seminar hi June 13, 2025 (Zirtawpni) chawhnu dar 3 - 5 chhungin kharna hun hman a ni ang a, Rev. Dr. Rosiamliana Tochhawng, Executive Secretary i/c Mission-in kaihruaiin fuihna thuchah a sawi ang.