Trust
June 9, 2025 (Thawhtanni) khan Sihfa Pastor Quarters lungrem tur enpuiin Pu Lalramenga Royte, JE a kal.
Council of Churches in Mizoram (CCM) buatsaih Seminar
Council of Churches in Mizoram (CCM) chuan a tum thumna atan Lunglei-a Zotlang North (BCM) Kohhran Biak Inah June 14, 2025 (Inrinni)-ah Seminar a buatsaih dawn a.
Hetah hian Lunglei khawpui huam chhunga CCM member Kohhran zawng zawngte atangin Pastor, Pro.Pastor, Minister, Pensioner leh Kohhran (Local Church) tin aiawh mi 2 theuh leh CCM hotute tel tura beisei an ni.
Chawhma lamah Paper ngaihthlak a ni ang a, chawhnu lamah sawihona neih a ni ang. Paper thupui chu "CCM lo pian chhuah dan leh hma lam thlirna" tih a ni a, Resource person atan CCM General Secretary Rev. Dr. Lalhmangaiha an hmang ang.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Bungtlang Bazar Veng leh Venglaia vanduaina tawk chhungkaw paruk hnenah Rs.69,000/-, Thingsai khuaa leimin tuar chhungkaw pahnih hnenah Rs.12,000/- ve ve, Champhai Bethel-a leimin tuar chhungkaw pakhat hnenah Rs.15,000/-, Buangpui khuaa in chhia chhungkaw pakhat hnenah Rs.15,000/-, Lailak khuaa leimin tuar chhungkaw pakhat hnenah Rs.15,000/-, Siahatla khuaa in chhiah chhungkaw pakhat hnenah Rs.15,000/-, E. Lungdar Vengthara in chhia chhungkaw pakhat hnenah Rs.15,000/-, Assam Rifles Kohhrana damlo mi pakhat hnenah Rs.10,000/-, Chawilung khuaa damlo mi pakhat hnenah Rs.10,000/-, N. Chawnpui khuaa damlo mi pakhat hnenah Rs.10,000/-, Thenzawl Field Venga damlo mi pakhat hnenah Rs.10,000/-, Chhippui khuaa leimin tuar chhungkaw pakhat hnenah Rs.10,000/-, Ramthar North-a damlo leh khawsak harsa chhungkaw pahnih hnenah Rs.10,000/- ve ve leh Saichal khuaa leimin tuar chhungkaw pakhat hnenah Rs.10,000/- pek a ni.