August 1-3, 2025 chhung hian Harhna Inkhawmpui, vawi 11-na chu Salem Veng Kohhran Biak Inah neih a ni dawn a, inkhawmpui thupui atan 'I Pathian tawk turin inpeih rawh (Amosa 4:12)' tih a ni.
August 1, 2025 (Zirtawpni) zan atangin vantlang Pathian biak inkhawm a awm ang a, zirtawpni zanah Rev. R.C. Lalnghakliana, Synod Moderator-in thuchah a sawi ang a. Harhna Inkhawmpuiah hian Revival Speaker - Pi Lianthangpuii, Upa C. Zanghinglova, Pu Biakhmingthanga, Pu C. Lalzahawma leh Pu H. Lalhmingliana ten inkhawmpui thupui an sawi ang a, Pathianni zan inkhawmah Rev. V.L. Luaia Hranleh, Senior Executive Secretary-in thu a sawi bawk ang. Inkhawm apiangin zaipawl hrang hrang an zai bakah inkhawm banah Lengkhawm neih thin a ni ang.
Harhna Inkhawmpui hi tun hma chuan Revival Meet tia hman thin a ni a, Synod Revival Speaker leh Counsellor-te intuaitharna hun atan hman thin a ni. Tun dinhmunah Synod Revival hnuaiah hian Synod Revival Speaker 70 (Mipa 68 leh Hmeichhia 2) an awm.
Harhna Inkhawmpui hi Synod media pahnih - Hruaina Eng TV Channel leh Synod Information Youtube Channel-ah te LIVE-a pek chhuah a ni ang.
>> Harhna Inkhawmpui 2025 Proramme