Vawiin (Aug. 1, 2025) chawhma dar 11 khan J.M. Lloyd Hall, Synod Office-ah Zirlai Viltu Committee buatsaihin Synod Resource Centre-a inziak lut tharte tan Briefing & Orientation Programme hman a ni.
Programme hi Rev. Dr. Rosiamliana Tochhawng, Executive Secretary i/c Zirlai Viltu Committee–in a kaihruai a, Pu K. Lallianzuala, Secretary-in Synod Resource Centre lo indin tan dan leh kalphung te a sawi a. Rev. K. Lalrinmawia, Pu R.L. Rinawma (IRS Rtd.) leh Pu Lungmuana ten thu an sawi bawk. Briefing & Orientation hi Category 1 leh Category 2-a member tharte tan buatsaih a ni a, an vaiin member 27 an ni.
Zirlai Viltu Committee hian a din tirh atangin All India Service hrang hranga Mizo thalaite an inziah tlin theihna turin theihtawpin hma a la a, a mamawhten an pan theih turin Synod Resource Centre a din a. Centre-ah hian lehkhabu tha chi hrang hrang 300 chuang a awm a ni.