August 18-21, 2025 chhung khan Synod Conference Centre-ah Synod Worship committee buatsaihin Residential Choir Conductors' Training, vawi 29-na neih a ni a, training-ah hian mi 65 an tel a ni.
August 18 (Thawhtanni) zanah training hawnna inkhawm neih a ni a, hemi hun hi Pu John Lalhruaitluanga, Coordinator-in a kaihruai a, Pu H. Lalrinmawia, Senior Music Instructor-in inhmelhriattirna leh training kalphung tur te a sawi a, Rev. Dr. Rosiamliana Tochhawng, Executive Secretary i/c Worship-in training tur te tawngtaiin Pathian hnenah a hlan a ni.
Training chhung hian chhun leh zanah class neih thin a ni a, Synod Music School instructor ten subject hrang hrang - Technical, Conducting, Vocal, Chord, Harmonization leh zai hruai chungchang te an zirtir a ni.
August 21, 2025 (Ningani) zanah training kharna inkhawm neih a ni ang a, kharna inkhawm hi Rev. Dr. Rosiamliana Tochhawng, Executive Secretary-in a kaihruai ang a, Pu H. Lalrinmawia, Senior Music Instructor-in report a pe ang a, Upa Vanlalsawma Siakeng, Synod Secretary-in certificate semin thuchah a sawi ang.
For more Pics Click Here