Trust
August 14, 2025 (Ningani) khan Bairabi Pastor Quarters hulhliap leh garage siam tur en felin Pu Lalramenga Royte, J.E a kal.
Finance
August 15, 2025 (Zirtawpni) khan Keitum Bialah Sum Vawn Dan Training neihpuiin thawktute, Upa David Lalnunfela leh Pu Lalhruaizela Ralte te an kal.
Social Front
August 15-16, 2025 chhung khan Tualbung Kohhranah Kristian Chhungkua Campaign cum Healing Crusade neiin Upa R. Vanlalzauva, campaigner a kal.
August 16-17, 2025 chhung khan Chhingchhip Bialah Moral Reform Awareness Campaing neiin campaigner-te, Rev. Dr. R. Vanlaltluanga, Rev. Dr. Lalawmpuia Hauhnar, leh Rev. Dr. Laldingluaia te an kal a, ni 16 (Inrinni) nilengin Seminar neih a ni a, inrinni zan atanga Pathianni zan thlengin bial chhung kohhranah Campaign neih zui a ni.
MSSU
August 16, 2025 (Inrinni) khan Sunday School zirtirtu training neihpuiin trainer-te hetiang hian an chhuak:
Phuldungsei Kohhranah Upa K. Zoremsanga leh Upa H. Lalnghinglova
Bethlehem Venglai Kohhranah Upa B. Lalhmunliana leh Upa Lalsiammawia Pachuau
SL&PB
August 16, 2025 (Inrinni) khan Chawnpui Kohhranah Literature Campaign/Seminar neiin Rev. P.B. Zosapthara, Editor leh Upa Prof. H. Lalthanzara, BEC Member te an kal.
Kristian Thalai Pawl
August 16&17, 2025 chhung khan Kolasib Hmar Veng Bial KTP Musical Meet hmanpuiin committee member-te, Upa T.C. Lalremsiama, Pu K. Vanlalremruata leh Pu Nicholas Lalbiakzuala te an kal.
August 18, 2025 (Thawhtanni) zan khan Tlungvel Gate Veng Branch KTP Evangelical Night hmanpuiin committee member-te, Upa T.C. Lalremsiama leh T.Upa David Lalfakawma te an kal.
Mizoram Christian College (MCC)
YMA Rorel vawi 4-nain “Ruihhlo do kawngah YMA-in tun aia chak zawkin hma la rawh se” tih bawhzui nan Central YMA chuan Mizoram Christian College-ah August 18, 2025 (Thawhtanni) khan Devotion-ah hun an hmang a. Pu Lalbiakzuala, CEC member-in thu sawiin, ‘Mizoramah ruihhlo ti an tamzia te, thalaite nun a tihchhiat nasatzia te, ruihhlo do kawnga tanrual a ngaihzia te a sawi a. Kristian kan nihna zawnah pawh kan rawngbawlna tur a nih thu,’ a sawi a ni. Central YMA atang hian CEC member mi paruk (6) an kal a, Central YMA atanga hun hmangtute hi MCC chuan thilpek an pe vek a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Phaizau khuaa damlo mi pahnih hnenah Rs.10,000/- ve ve, New Eden-a damlo mi pahnih hnenah Rs.10,000/- ve ve, Ngopa North-a damlo mi pakhat hnenah Rs.10,000/- leh North Lungpher khuaa damlo mi pakhat hnenah Rs.10,000/- pek a ni.