Vawiin (May 19, 2017) khan Synod Bookroom chuan kumtina an lo tih thin angin Synod Bookroom Distributors Meet 2017 chu Synod Office Devotion Room-ah an hmang a, Mizoram puma Synod Bookroom Distributor zawng zawng ten he hun hi hlawk takin an hmang.
Vawiin (May 19, 2017) khan Synod Bookroom chuan kumtina an lo tih thin angin Synod Bookroom Distributors Meet 2017 chu Synod Office Devotion Room-ah an hmang a, Mizoram puma Synod Bookroom Distributor zawng zawng ten he hun hi hlawk takin an hmang. Distributors Meet hi chawhma dar 10:00-ah Upa R. Lalmalsawma, General Manager, Prescom chuan hawngin inlawmna thu a sawi a. Inlawmna thu sawi zawhah Pi Rosy Lalhmingmawii, Prescom Department sum enkawltu chuan Bookroom pumpui sum dinhmun report a pe a. Report atanga a lan danin kum kalta khan Synod Bookroom hian nasa takin hma a sawn a. An Budget Rs. 8,80,00,000/- chu tha taka khumin Rs. 13,65,51,451/- zet thawhchhuah a ni a, Synod Bookroom 1911-a din a nih atangin kumkhata a thawhchhuah tam ber tum a la ni. Budget khumna ringawt hi Rs. 4,85,51,451/- zet niin Net Profit Rs. 51,36,749/- lai Synod Bookroom hian a nei bawk. Distributor bikah Financial Year kalta (2016-2017) chhunga Synod Bookroom hnuaia Distributors 32 te target belhkhawm hi Rs. 99,00,000/- a nih laiin an thawhchhuah zat hi Rs. 1,80,05,438/- a ni a, Distributor bikte’n an target an khumna hi Rs. 81,05,438/- lai a tling. Financial Year hmasaa an thawhchhuah Rs. 1,45,62,851/- pawh nasa takin an khum a, kum hmasa Distributor bikin an khumna zawng hi Rs. 34,42,587/- a ni nghe nghe.
Chawhnu lamah Pu Lalniliana, Bookroom Manager-in programme kaihruaiin Synod Bookroom Distributor hrang hrangte atangin report leh rawtna te ngaihthlak a ni a. Kum kaltaa Bookroom rawngbawlna hrang hrang thlirletna leh sawizauna neih a ni bawk. Hemi hnu hian kum kaltaa Synod Bookroom Distributor tha thlanna result puan a ni a, Branch titha te hnenah Upa R. Lalmalsawma, General Manager, Prescom chuan lawmman a sem a ni. Kum 2016 chhunga Synod Bookroom Distributor Result chu hetiang a ni :
Pakhatna - Synod Bookroom Siaha Distributor
Pahnihna - Synod Bookroom Khawzawl Distributor
Pathumna - Synod Bookroom Zemabawk Distributor
Tun dinhmunah Synod Bookroom hian Branch 12 neiin Distributor Centre 32 a nei mek a. Heng zinga 5 - Sakawrdai, Khawhai, Bukpui, Chhingchhip leh Reiek te hi Financial Year kalta chhunga hawn thar an ni.