Vawiin (May 19, 2017) khan Synod Lay Pensioners’ Fellowship Annual General Meeting Vawi 17-na chu Zosaphluia Buildingah neih a ni.
Meeting hi Upa Dr. L. Ringluaia’n a kaihruai a, Nl. Hmingthansangi’n tanna hun a hmang a, member kalten mahni inhmelhriattirna an nei a, chumi zawh ah Secretary leh Treasurer hnen atangin report ngaihthlak a ni bawk. Secretary hnen atangin Synod Lay Workers’ Fellowship atanga Synod Lay Pensioners’ Fellowship a din hran tak thu leh Inkaihruaina Dan thar siam a nih thu te ngaihthlak a ni a, member tharte inhmelhriattirna leh lawmna neih a ni bawk. He meetingah hian an member chatuan ram pan ta te mi paruk sunna neih a ni a, sunna neih zawhah Vice Chairman Upa Lalliansawta hnen atangin thuchah ngaih thlak a ni a, chumi hnu-ah a duh apiang thusawina hun hman a ni bawk.