Synod Mission Board hnuaia Missionary Health Care Worker (Missionary Nurse) te tan thla khat awh tur Refresher Training chu November 3-28, 2025 chhung hian Synod Conference Centre-ah neih mek a ni a, training tur hian Nurse 20 koh an ni a, an kal kim thei a ni.
Training chhung hian thupui chi hrang hrang – Health Care Awareness, HIV/AIDS chungchang, Accountancy, Mental Health, Disaster, Dental, Immunization, Autism chungchang leh rawngbawlna tur atana thil pawimawh hrang hrang an zir ang. Training hi thla khat awh tura ruahman a ni a, ni 3-14 chhungin theory class an kal ang a, ni 17-26 chhungin practical class - Synod Hospital, Durtlangah an nei ang a, ni 27-ah Baktawngah Free Clinic neiin an kal ang.
Synod Mission Board hnuaiah hian Missionary Nurse 130 chuang awmin Refresher training tur hian a tah tawlin koh thin an ni a, kum 2003 atangin refresher training hi buatsaih a ni a, kum khatah tum hnih training hi neih a ni.
