Worship
November 13, 2025 (Ningani) khan Sakawrdai Bial KTP Conductors' Training neihpuiin Pu Benjamin Sailo, Music Instructor a kal.
November 15, 2025 (Inrinni) khan Sialsuk Kohhranah Music Training neihpuiin Tv. H. Lalthazuala, Music Instructor leh Tv P.C. Lallawmsanga, trainer te an kal.
MSSU
November 15, 2025 (Inrinni) khan Mualpheng Kohhranah Sunday School Zirtirtu training neihpuiin trainer-te, Upa K. Zoremsanga leh Upa Zionparlawma te an kal.
Kohhran Hmeichhia
HIV/AIDS Trainers’ Training neiin Resource Person-te, hetiang hian an chhuak:
November 13, 2025 (Ningani)-ah Lawngtlai District leh Champhai District
November 14, 2025 (Zirtawpni)-ah Saitual District
November 15, 2025 (Inrinni)-ah Hnahthial District
Trainers' Training hi Central Kohhran Hmeichhe Committee ruahmannaa neih a ni a, District tinah a tahtawla neih tura ruahman a ni. HIV/AIDS chungchanga inzirtirna hi Kohhran Hmeichhe Inkhawmpui Lian 2025-in a rel, 'HIV/AIDS hlauhawmzia inzirtir' bawhzuina kal zel a ni.
Synod Prison Ministry
November 15-16, 2025 chhung khan District Jail pahnih – Mamit District leh Kolasib District Jail te tlawhin committee member-te hetiang hian an kal.
Mamit District-ah Rev. Lalhleia, Director leh Rev. Malsawmtluanga leh Rev. T.C Laltlanzova
Kolasib District-ah Rev. Lallianmawia Pachuau, Rev. Benny Lalmawia leh Upa Chawngsailova
Presbyterian English School (PES)
November 18, 2025 (Thawhlehni) khan Kawrthah leh a chhehvela PES school hrang hrang te Joint Sport hmanpuiin Upa P.C. Vanlalhruaia, Supervisor of Schools a kal.
November 19-20, 2025 chhung khan Champhai leh a chhehvela PES school hrang hrangte Joint Sport hmanpuiin Upa Dr. Lalrinmawia, committee member a kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Bethlehem North-a khawsak harsa chhungkaw pahnih hnenah Rs.10,000/- ve ve, Salem venga damlo mi pakhat hnenah Rs.10,000/-, Saikhawthlir khuaa khawsak harsa chhungkaw pakhat hnenah Rs.10,000/-, Champhai Dinthara damlo mi pakhat hnenah Rs.10,000/- leh Tumpangluia khawsak harsa chhungkaw pakhat hnenah Rs.10,000/- pek a ni.