Vawiin (Nov. 26, 2025) khan Synod Executive Committee (SEC) vawi 316-na chu J.M. Lloyd Hall, Synod Office-ah an thu a. Meeting hi Rev. R.C. Lalnghakliana, Moderator-in a kaihruai a. Upa Vanlalsawma Siakeng, Synod Secretary-in report a pe.
Report-ah hian Rev. Lalrindika, kum 50, Badu, Kolkatta Mission Field-in November 19, 2025-a Chatuan ram min pansan thu leh Badu Bial lo enkawltu tur ruat a nih thu te tarlan a ni.
Tun tum meeting-ah hian thu ngaihtuah tura chhawpchhuah 11 a awm a, chung zingah chuan Superintendent, Hmangaihna In chungchang te, Synod Hospital Coordinator chungchang te, Induction Service neih hun chungchang te, National Federation of Churches in India (NFCI)-a tel ve chungchang te leh Assam Rifles Ram chungchang te chu a langsar zualte an ni.
Naktuk (Nov. 27, 2025) hian Synod Executive Committee (SEC) vawi 317-na an thu zawm leh ang a. He thut khawm hi Budget Session tur a ni a. Synod Department hrang hrang budget ruahmanna, Synod Finance Committee-in a pawm tawh chu ngaihtuah ho a ni ang. SEC-in Budget hi a pawm fel hnuah Synod Inkhawmpuia ngaihtuah tura chhawp chhuah a ni ang.
For more Pics Click Here