Social Front
November 29 & 30, 2025 khan N. Vanlaiphai Venglai Kohhranah Ruihhlo chungchang Seminar leh Awareness/Campaign neiin Campaigner, Upa H. Lalnghinglova a kal.
November 30, 2025 (Pathianni) khan Tlangnuam Vengthlang Kohhranah Mental Health leh Drug Awareness/Campaign nei turin Campaigner, Upa Lalnunsiama Khalthang a kal.
MSSU
December 2, 2025 (Thawhlehni) khan Kelkang Kohhranah Child Evangelism Training programme neiin trainer-te, Upa K. Vanlalnghaka leh Upa Lalsiammawia Pachuau te an kal.
Presbyterian English School (PES)
December 1, 2025 (Thawhtanni) khan Darlawnah PES Northern Area Sports hmanpuiin Rev. Dr. Rosiamliana Tochhawng, Executive Secretary i/c PES a kal.
December 1-2, 2025 chhung khan Vangchhiaah Tuipuiral Presbytery huam chhunga PES Area Sports hmanpuiin Upa P.C. Vanlalhruaia, Supervisor of Schools a kal.
Bible Sunday
Vawiin December 7 (Pathianni) hi Bible Sunday a ni a, Presbyterian Kohhran te chuan Bible Sunday pualin inkhawm vawi hnih neih tura ruahman a ni. Chawhnu inkhawmah thupui chu "Pathian thu – ringtute chakna" tih a ni a, Zan inkhawm thupui chu "Pathian thu hril tura koh kan ni" tih a ni.
Bible Sunday kan hman chhan chu Bible thehdarh kawngah intihchak tharna atan a ni a, a hman dan tur hi Bible Society of India, Aizawl Auxiliary Office lam atangin ruahman thin a ni. Bible Sunday-ah hian Bible Society pualin inkhawm vawi khat thawhlawm lakkhawm thin a ni bawk.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Sihphir Venghluna damlo mi pakhat hnenah Rs.10,000/-, Lamzawl khuaa damlo mi pakhat hnenah Rs.10,000/-, Darlung khuaa damlo mi pahnih hnenah Rs.10,000/- ve ve, Phullen Vengthara damlo mi pakhat hnenah Rs.10,000/-, Zawngin khuaa damlo mi pakhat hnenah Rs.10,000/- leh N. Khawdungsei khuaa damlo mi pakhat hnenah Rs.10,000/- pek a ni.