Vawiin (December 20, 2025) chawhma dar 10:30 khan Synod Prison Ministry buatsaihin Jail tang chhuakten nun kawng dik an zawh zel theih nana um zuina programme an hmang.
He programme hi Nursery Veng Kohhran Hall-ah hman niin, Pu K. Sapdanga, Home Minister chuan a hmanpui a, jail tang chhuak eng emaw zat an tel thei a ni. Pu K. Sapdanga, Home Minister leh Rev. Dr. Rosiamliana Tochhawng, ES, i/c SPM ten thu an sawi bakah jail tang chhuakten an testimony an sawi bawk.
Jail tang chhuakte pual hian kum khatah vawihnih hun hman ṭhin a ni a. Tun ṭum hi kumina vawihnih an hmanna niin mi 192 an kal a, ṭum 6 hman a lo ni tawh a ni.
Mizoram Synod hian Jail-a rawngbawlna hi kum 1984 aṭang khan a lo kal pui tawh a. Tunah hian Mizoram chhunga Jail 10 kan neihah SPM Sub. Comt din vek a ni a. Counsellor 10 ruai mekin, Pathianniah hun bik neiin Jail-ah hian an inkhawmpui ṭhin. Kum 40 chuang chu he rawngbawlna hi kal pui a lo ni tawh a ni.