MSSU
January 17, 2026 (Inrinni) khan Sunday School Zirtirtu Training neihpuiin MSSU Trainer-te hetiang hian an chhuak:
Bungkawn H/S Veng Kohhranah Upa K. Vanlalnghaka, Upa Lalchuailova leh Upa H. Lalnghinglova
Damdep Bialah Upa K. Zoremsanga, Upa Isak Zarzoliana Chhangte leh Upa H. Lalremruata
Kaisanary Bialah Upa Hrilthansanga leh Upa Lalsiammawia Pachuau 
Kristian Thalai Pawl
January 16, 2026 (Zirtawpni) khan Ramthar Veng Branch KTP Golden Jubillee hmanpuiin Central KTP Hruaitute, Pu C. Lalkhawngaiha, Asst. Secretary leh Pu Rossi Lallawmawma, committee member te an kal.
Trust
January 20-21, 2026 chhung khan Lungleiah Synod House sak mek en puiin Pu Lalhriatrenga, J.E leh Pu Kros Nuntluanga, J.E te an kal.
Synfo
January 20, 2026 (Thawhlehni) khan Saitualah KTP General Conference thlenna tur Pandal enin thawktute, Pu Peter Lalanpuia leh Tv. R. Lalnuntluanga te an kal.
Campus Ministry
January 21, 2026 (Nilaini) khan Synod Campus Ministry leh Union of Evangelical Students of India (UESI) Mizoram Hruaitute nen inkawm hona neiin rawng bawl ho zel dan tur te, tul leh pawimawh hrang hrang te leh thawh hona tha zawk neih zel dan tur te an sawi a ni.
Mizoram Christian College (MCC)
January 10-17, 2026 chhung khan Mizoram Christian College-a Commerce 5th Semester zirlai 20 leh zirtirtu 3 te chuan New Delhi-a Industrial Tour neiin an kal a. He Industrial Tour-ah hian Industry hmun hrang hrang an tlawh a, chung zingah chuan - Ministry of Commerce & Industry, Govt. of India hnuaia India Trade Promotion Organisation (ITPO) te, Ministry of MSME, Govt. of India hnuaia National Small Industries Corporation Ltd., Okhla te, Ministry of Commerce & Industry, Govt. of India hnuaia mi Agricultural and Processed Food Products Export Development Authority (APEDA) leh Ministry of Commerce & Industry, Govt. of India hnuaia Indian Insitute of Foreign Trade (IIFT) te an tlawh a ni.
Kum 2025 Odd Semester Exam Results chu Mizoram University-in January 20, 2026 khan a tichhuak a, Mizoram Christian College pawhin a tlangpui thuin result an nei tha a, hetiang hi result an neih dan tlangpui chu a ni: Arts Streams-ah 88.24% in an pass a, Commerce Streams-ah 93.65 % pass-in, Management Streams-ah 76.92 % in an pass a ni. MCC zirlai exam zawng zawng 323 atangin zirlai 284-in an pass a, pass percentage hi 87.93 a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Tuiriala khawsak harsa chhungkaw pahnih hnenah Rs.10,000/- ve ve, Siahatlaa damlo mi pahnih hnenah Rs.10,000/- ve ve, Zawngin khuaa damlo mi pakhat hnenah Rs.10,000/-, Phullen Vengthara damlo mi pakhat hnenah Rs.10,000/-, Chhiahtlang Venghluna damlo mi pakhat hnenah Rs.10,000/-, Airfield Vengthara khawsak harsa chhungkaw pakhat hnenah Rs.10,000/- leh Thenzawl Field Venga damlo mi pakhat hnenah Rs.10,000/- pek a ni.