February 24-26, 2026 chhung hian Synod Executive Committee vawi 318-na chu J.M. Lloyd Hall, Synod Office-ah an thu.
Meeting hi Rev. John Raldosanga, Synod Moderator-in a kaihruai a, Rev. B. Zohmangaiha, Synod Secretary-in report a pe a, Rev. Dr. K. Lallawmzuala, Finance Officer-in report a pe bawk.
Secretary report-ah hian Bial thar 7 hawn leh Pastor & Pro. Pastor Induction neih a nih thu te, Synod Mission Board hnuaia Missionary 20 lak a nih thu te, Synod Building hrang hrang sak mek a nih thu te, MUHCS kalpui hnua Hospital dinhmun hrang hrang te, April 2025 - January 2026 thla chhunga damlo awm man pe theilo mi 223 te charity sum atangin Rs. 29,60,483/- pek sak a nih thu te, Residential Construction Supervisor training neih a nih thu leh April 2025 - January 2026 inkara Synod sum dinhmun te tarlan a ni.
Tun tum SEC thut khawmah hian thurel tura chhawp chhuah 56 a awm a, chung zingah chuan Central KTP Leader ruat chungchang te, Sikulpui Headmaster ruat chungchang te, MCC Principal ruat chungchang te, Jordan Centre, Sethawn lak chungchang te, Pension dan 2024 enthat chungchang te, Kristian Hlabu ennawn chungchang te leh Synod 2025 thurel bawhzui tur hrang hrang te a tel a ni.