Mizoram Christian College-a 6th Semester zirlaite chuan kum tin an lo tih thin angin February 18 - 21, 2026 chhung khan Rural Expedition an nei.
Rural Expedition hi zirlaiten hna an thawh hunah ram leh hnam tana mi tangkai, thingtlang kut hnathawk mite dinhmun hrethiama, an hmasawnna tur kawng tha zawk kawhhmuhtu an nih theih nana buatsaih a ni. Kumin rural expedition-ah hian zirlai 30 an kal a, Vice Principal Dr. Benjamin Lalfakzuala leh zirtirtu dang pathumin an hruai a ni.
Rural expedition-ah hian Piler khuaa an eizawn dan zir chiangin zirlaite hian lo lamah kut hnathawktute an pui a, an thlai thar chhuah suma an chantir dan chungchang sawiin kut hnathawktute an kawm a. Piler khuaa school awmte tlawh chhuakin, thingtlang naupangte enkawl an nih dan leh zirna an dawn dante an bel chiang bawk.
MCC, Rural Expedition-a kalte hian Mizorama planned city awm chhun East Lungdar tlawhin, a khaw inrem dante an bel chiang a. Biate-ah Samuel Tea Factory leh thingpui huan tlawh telin, factory-a thawkte nen inkawm hona hun an hmang a, thingpui hnah atanga thingpuife siam leh thawn chhuah a nih dante an sawi ho bawk. Zirlaite hian an kalna khuaah cleanliness drive neiin, zingkarah khaw chhunga bawlhhlawh awmte thian faiin hun an hmang thin bawk a ni.
