March 6-8, 2026 chhung khan Kohhran Hmeichhe Rorel Inkhawm vawi 13-na chu Champhai Vengthlang Kohhran Biak Inah tluang taka neih a ni.
Rorel Inkhawm thupui hi 'Sim rawh u, van ram chu a hnai tawh e' (Matthaia 4:17) tih hman a ni a, Speaker chu Rev. Remlalfaka, Secretary, BSI Aizawl Auxiliary a ni.
March 6, 2026 (Zirtawpni) zanah Palai lawmna leh reports inkhawm neih a ni a, March 7, 2026 (Inrinni) nilengin Rorel a ni a, zanah vantlang Pathian Biak Inkhawm neih a ni. March 8, 2026 (Pathianni) chawhma, chawhnu leh zanah te vantlang Pathian Biak inkhawm neih chhunzawm a ni a, speaker hnen atangin thupui ngaihthlak a ni.
Kristian Chhungkaw dinhmun (January - December 2025) tehnaah Phainuam Bial an sang ber a, Rev. Dr. K. Lallawmzuala, Executive Secretary i/c Kohhran Hmeichhia-in Trophy a hlan a ni.
Rorel inkhawm hi Hruaina Eng TV leh Synod Information Youtube Channel-ah te Live Telecast a pek chhuah thin a ni.
Bial Chanchin Report Khaikhawmna (January - December, 2025) :-
1. Report lut zat Bial : 218
2. Kohhran mal anga min zawmtu : 5 (Kolkata, Bangalore, Mumbai, Pune & Goa)
Total : 223
3. Kohhran zat : 919
4. Branch Church zat : 82
Total : 1001
5. Presbyterian hlang chhungkaw zat : 1,20,330
6. Inawmpawlh chhungkaw zat : 4,774
7. Chhungkua zawng zawng zat : 1,25,104
8. Nitin chhung inkhawm nei zat : 90,687 = 72.50%
9. Buhfaitham tham ziah zat : 1,23,145 = 98.44%
10. Hmeichhe member zat : 2,08,921
11. Kum 2024 aia member punna : 5,081
12. Member tam berna Bial : Champhai Venglai Bial
13. Member zat : 3,122
14. Member tlem berna Bial : Buarpui Bial
15. Member zat : 36
16. Hmeichhe inkhawm nei thei vek Bial 199 an awm a, Bial 24 chhunga Kohhran/Branch Church 44 in inkhawm an la nei thei lo.
17. Kum 2025 chhunga buhfaitham hmuh zat belh khawm chu Kg. 1,32,74,493.55 a ni.