Vawiin (March 17, 2026) khan Synod Finance Department buatsaihin Auditors’ Meet, Synod Committee Room-I-ah neih a ni.
He meet hi Rev. Dr. K. Lallawmzuala, Finance Officer-in kaihruaiin hunserh a hmang a, hunserh hman zawhah hming lamna leh inhmelhriattirna Upa F. Lalhmangaiha, Finance Manager-in hmangin Auditor te tana tul leh pawimawh hrang hrang a sawi a. Pu Zaihmingthanga Fanai, Accountant, Synod Office-in Audit hna kalpui dan tur leh kalhmang hrang hrangte inhrilh tharna hun a hmang a. Audit Team insiam dan leh inruat dan te a sawifiah zui bawk.
Upa Kailianmanga’n Audit kaihhnawiha Income Tax chungchang hriat tur tul hrang hrang leh Income Tax chungchanga fimkhurna tur thu pawimawh tak tak a sawi a, kalkhawmte atangin zawhna leh chhanna leh thil pawimawh hrang hrang sawi hona hun hman zui a ni. He hunah hian Synod Auditor atana ruat mi 20 zingah mi 16 an kal thei a ni.