Worship
March 14, 2026 (Inrinni) khan Music Training neihpuiin trainer-te hetiang hian an chhuak:
Khatla North Kohhranah Pu H. Lalrinmawia leh Pu R. Lalrinfela
Nisapui Kohhranah Tv. H. Lalthazuala leh Pu R. Lalrorelkima
MSSU
March 14, 2026 (Inrinni) khan Sunday School Zirtirtu Training neihpuiin Trainer-te hetiang hian an chhuak:
Khatla East Kohhranah Upa B. Lalhmunliana, Upa Lalchuailova leh Upa Danny Lalremmawia
Hualngohmun Kohhranah Upa Lalsiammawia Pachuau, Upa C. Lalbiaksanga leh Upa T. Lalbiakdika
Thuampui Venglai Kohhranah Upa K. Vanlalnghaka, Upa Lalliantluanga leh Upa R. Vanlalhruaia
Trust
March 17, 2026 (Thawhlehni) khan Tualcheng Pastor Quarters sak mek en puiin Pu Lalramenga Royte, JE a kal.
Social Front
March 17, 2026 (Thawhlehni) khan Chhiahtlang Bial KTP buatsaihin Venghlun Kohhran Centenary Hall, Chhiahtlangah Sex Education Campaign neih a ni a, he hunah hian Rev. V.L. Krosschhuanmawia, campaigner a kal.
Kohhran Hmeichhia
March 18, 2026 (Nilaini) khan International Women’s Day 2026 chu Dawrpui Multipurpose Centre-ah a lawmna neih a ni a, hemi hunah hian Kohhran Hmeichhe aiawhin Central Kohhran Hmeichhe Hruaitute - Pi K. Vanlalrawni, Chairman, Pi Vanlalthlamuani, Vice Chairman leh Pi Vanlalnunsiami, Committee Member te an kal.
Mizoram Christian College (MCC)
March 12, 2026 (Ningani) khan Management zirlaite chuan Industrial Visit neiin tissue paper siamna hmunpui Lusei Tissue, Lengpui an tlawh a, paper an sawngbawl dan leh siam chhuah dan te a hmunah an en a ni.
March 12, 2026 (Ningani) khan Mizoram Christian College chuan Chapchar Kût pualin Cultural Day an hmang a. He mi ni hian zirlai leh zirtirtu zawng zawngte Mizo hnam thuamin an inthuam a, class room-ah zonun ze mawi inhrilha infuih tharna hun hman a ni. Zirlai zing atangin Mizo hnam thuama inthuam mawi ber (Best Cultural Attire) mipa leh hmeichhia thlan a ni a, mipaah Lalngaihawma, 4th Semester, Department of Mizo chu thlan a ni a, hmeichhiaah Lalchhandami Sailo, 6th Semester, Department of English chu thlan a ni bawk.
March 14, 2026 (Inrinni) khan Irrigation & Water Resources Department, Govt. of Mizoram-in an buatsaih ‘29th International Day of Action for Rivers Painting and Poetry Writing Competition’-ah Mizoram Christian College atanga tel Vanlalawmpuia, 6th Semester, Department of English chuan lawmman pathumna a dawng a; R. Lalfakzuala, 4th Semester, Department of Public Administration chuan Consolation Prize a dawng bawk.
March 16, 2026 (Thawhtanni) khan MCC IQAC leh Internal Complaint Committee on Sexual Harassment te buatsaihin ‘Legal Awareness’ neih a ni a, Dr. K. Remruatfela, Advocate, Gauhati High Court, Aizawl Bench chu Speaker a ni. Speaker hian mi malin dikna leh chanvo kan neih dan te, mi malin dân anga mawhphurhna kan neih hrang hrang te, Dân leh Bible a inzawm dan te a sawi a ni.
Chakma Convention vawi 15-na
March 13-15, 2026 chhung khan Tuichawng Mission Compound, Home Mission South-ah Chakma Convention vawi 15-na neih a ni. Convention thupui ‘Khawvel mamawh Isua” tih a ni a, Rev. Sujindro Chakma i/c Chawngte ‘P’ chu Speaker a ni. Convention-ah hian riak lut mi 460 vel an awm a, inkhawma mi tam ber tum hian mi 630 vel nia hriat a ni bawk. Tuichawng khua mai bakah a chhehvel Chakma khaw hrang hrang atangin Kristian leh Kristian lo te pawhin Convention hi an chhim a, Pathian thu pawh an dawng tha hle a ni.
Convention chhung hian Missionary leh Masihi Sangati Evangelist-ten ring lo te pual bikin Counseling Class an nei thin a, belhtu thar panga an awm a ni.
Inkhawm ban hun remchangah Fellowship leh Variety Programme-a hun hman thin a ni a, Kohhran leh Branch Church tin te atangin Special items chi hrang hrang an nei thin a ni. Chhim Area-ah hian Pastor Bial 23 a awm a, chung bial 23 zinga bial 5 vel chu Chakma leh Bru awmna a ni a, School te, Dispensary te, Craft Centre te awmin Evangelist-ten hma an la mek a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Thenzawl Kanan Venga damlo mi pahnih hnenah Rs.10,000/- ve ve, Gurguti Salka-a damlo mi pahnih hnenah Rs.10,000/- ve ve, Sihphir Vengthara damlo mi pakhat hnenah Rs.10,000/-, Ratu Chhim Venga In chhia chhungkaw pakhat hnenah Rs.5,000/- leh Serchhip Chhimvenga damlo mi pakhat hnenah Rs.10,000/- pek a ni.