MSSU leh Synfo tangkawpin an buatsaih NPSS Recitation intihsiak chu tluang taka neih a ni.
NPSS Recitation intihsiak hi Naupang Sunday School, Beginner department atanga Senior Department inkar tana buatsaih a ni a, group hnihah then a ni a, group 1-ah beginner department atanga Junior department a ni a, group 2-ah Intermediate department atanga Senior department te an ni.
Intihsiak Elimination Round hi March 19, 2026 (Ningani) khan Presbytery hrang hranga Kohhran 20-ah neih a ni a. Elimination Round-ah hian naupang 640 vel an tel a, an zing atang hian mi 105-in Elimination round an paltlang a ni.
March 25&26, 2026 chawhma dar 10 atang khan Chaltlang Presbyterian Kohhran Centenary Hall-ah Elimination Round paltlang mi 105 ten intihsiakna an chhunzawm a. A ni khatna (March 25)-ah Group 1, mi 52-in intihsiakna an nei a, a ni hnihna (March 26)-ah Group II, mi 53-in intihsiakna an nei leh a, chawhnu dar 2-ah result puan leh lawmman semna neih a ni a, Rev. Dr. K. Lallawmzuala, Executive Secretary i/c MSSU-in hunserh a hmang a, he hunah hian Naupang Pual Media Malzai intihsiaka Top 3 te, Lalthatluangi Fanai, Tanhril Kohhran, K. Lalfakzuali, Republic Veng Kohhran leh Lalruatfela, Tlungvel Field Veng Kohhran te an zai bawk.
Intihsiaka lawmman dawngtute chu:
Group I:
Pakhatna - Malsawmzeli Hauhnar d/o H. Lalhlimpuia Aizawl Venglai, Junior Department
Pahnihna - Eva Lalnunthangi d/o JH Chunglianthanga Bungkawn, Junior Department
Pathumna - Lalramnunhlui Khiangte d/o K. Lalbiaktlinga Rengdil, Junior Department
Group II:
Pakhatna - Lalsangliani d/o Lalruatfela, Zemabawk North, Senior Department
Pahnihna - Lalbiakdiki d/o Lalhmangaihsanga, E. Lungdar, Senior Department
Pathumna - Marthi Malsawmzeli d/o C. Lalmuankima, Kolasib Venglai, Senior Department
Intihsiakah hian lawmman pakhatnain Rs.50,000/- leh citation, pahnihnain Rs.30,000/- leh citation, pathumnain Rs.20,000/- leh citation an dawng ang a, Top 10-a tling ten Rs.5,000/- theuh an dawng bawk a ni.