Kohhran Hmeichhia
March 22, 2026 (Pathianni) khan Kohhran Hmeichhia chuan John Williams Hospital, Lunglei tanpuina atan Rs. 11,32,772.00 chu Rev. H. Lalhmingmawia, Administrative Secretary kutah Rev. Dr. K. Lallawmzuala, Executive Secretary i/c Kohhran Hmeichhiain a hlan a ni. Kohhran Hmeichhia hian February 17, 2026 khan Synod Hospital, Durtlang hnenah charity fund atan Rs. 12,35,188.00 an hlan tawh bawk.
Kum 2025 Kohhran Hmeichhe Inkhawmpui Lian rorel ‘Synod Hospital, Durtlang Charity Fund leh John Williams Hospital, Lunglei tanpuina pualin vawi khat inkhawm ve ve thawhlawm lak khawm,’ tia alo rel tawh bawhzuina a ni.
Trust
March 23-24, 2026 chhung khan Lungleiah Synod House sak mek en pui leh Chanmari Pastor Quarters sak mek en puiin Upa Thangliankhuma, AE, Pu Lalhriatrenga, JE leh Pu Kros Nuntluanga, JE te an kal.
Finance
March 20, 2026 (Zirtawpni) zan khan Durtlang West Branch Church-ah Synod sum vawn dan training neihpuiin thawktute, Upa David Lalnunfela, Upa R. Lalbiakdika leh Pu Clayton Malsawmkima te an kal a, training-ah hian mi 40 vel an tel thei a ni.
MSSU
March 19, 2026 (Ningani) khan Tuikual South Kohhranah Sunday School Zirtirtu Training neihpuiin Trainer-te Upa H. Lalnghinglova leh Upa C. Lalbiaksanga te an kal.
March 21, 2026 (Inrinni) khan Sunday School Zirtirtu Training neihpuiin Trainer-te hetiang hian an chhuak:
Durtlang West Branch Church-ah Upa B. Lalhmunliana leh Upa Zionparlawma
Champhai Electric Veng Kohhranah Upa Hrilthansanga leh Upa R. Vanlalhruaia
Champhai Vengthar Kohhranah Upa K. Zoremsanga leh Upa Lalrinmawia Ralte
Hyderabad Mizo Churchah Upa Zohmangaiha leh Upa H. Lalnghinglova
Tuithiang Kohhranah Upa K. Vanlalnghaka, Upa H. Lalremruata leh Upa Lalsiammawia Pachuau
Social Front
March 22, 2026 (Pathianni) khan Ramthar North Kohhranah HIV leh Ruihhlo do chungchang Awareness Campaign neiin Upa Dr. Thanchungnunga, campaigner a kal.
Mizoram Christian College (MCC)
Mizoram Christian College, Department of Mizo chuan March 19, 2026 (Ningani) khan CYMA Hall-ah Mizo Rochun Thawnthu leh Rimawi zir hona(Workshop on Mizo Folklore Showcasing cultural Identity through Music and Narrative) an nei a. He hunah hian chawhma lamah Dr. H. Lalbiakzuali, Associate Professor, Govt. T. Romana College-in hun a hmang a, chawhnu lamah Mizo Rimawi (Folk Music) lam thupui zir hona hun hman leh a ni a. He hunah hian Pu Zothanmawia, Folk Music Instructor, Art & Culture Department, Govt. of Mizoram chuan hun hlawk tak hmangin Mizo hun hluia rimawi hrang hrang sawi zauna mai bakah ama rimawi siam hrang hrangte sawifiahna hun a hmang a, zawhna leh chhanna hun hman a ni bawk.
March 20, 2026 (Zirtawpni) khan YRC Convention Centre, Falkland-ah Mizoram Christian College, 6th Semester zirlaite pualin "A Day With CKTP" Programme hman a ni.
Hun khatna hi Pu Nicholas Lalbiakzuala, Asst. Leader, CKTP-in a kaihruai a. Rev. Dr. K.M. Vanlalpeka, Leader, CKTP-in ‘Zirna leh Rawngbawlna’ tih thupui hmanga thu sawiin, kristian thalaiten zirna leh rawngbawlna kal kawppui dan kan thiam a, kan that lai hun, kan thiamna leh finna te Pathian leh ram tana hlan chu kan tih tur a nih thu a sawi a ni.
Hun hnihna hi T. Upa Lalremsiama Khiangte, Committee Member, CKTP-in a kaihruai a, Upa Dr. Tawnenga, Principal, MCC-in thu a sawi a. Thalaite chu an hnathawhna kawngah Mizo Kristian Thalai an nihna lantir tura fuihin, ei rukna, dawngdahna leh hlemhletna te um bo a, zirna leh hnathawhna kawngah Pathian bel tlat chunga rilru dik pu turin kal khawmte a chah bawk. He hunah hian zawhna leh chhanna bakah sawi hona hun hman a ni a, he hunah hian Pu Isaac Hnamte leh Nl. Cindy Lalthanpuii te an zai bawk.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Kanhmun bial chhunga rial leh ruah avanga harsatna tawk chhungkaw 139 hnenah Rs.13,09,000/-, Pangbalkawn Bial chhunga rial leh ruah avanga harsatna tawk chhungkaw 69 hnenah Rs.8,83,000/-, Kaisanary bial chhunga thli leh ruah vanga harsatna tawk chhungkaw 7 hnenah Rs.1,10,000/-, Sevenphul-a in kang chhungkaw pakhat hnenah Rs.20,000/- leh N. Serzawl khuaa damlo mi pali hnenah Rs.10,000/- theuh pek a ni.