Vawiin (March 29, 2026) hi Tumkau Ni a ni a, Tumkau Ni hi Isua ropui taka Jerusalem a luh hriatrengna atana hman thin a ni. Lal Isua chawimawiin naupangten tumkau kengin kawng an zawh thin a, hmanlaiin tumkau hi thatna leh hnehna entirnan an hmang thin a ni.
Kum 1998 Synod chuan Tumkau ni hi Nilai leh Beihrual Thupui Bu-a tihlan thin turin a rel a. Chu thu chu bawhzuiin SEC chuan Sunday School tibuai lova inkhawm tum khat buatsaih thin turin a ti a. Kum 2007 atang erawh chuan inkhawm tum hnih buatsaih thin a ni ta a ni. Kum 2022 Synod Inkhawmpui chuan Tumkau Ni chawhma inkhawm hi 2024 atangin Sunday School awm lovin Tumkau Ni programme-a hman ni rawh se, tiin a rel a. Tumkau Ni programme-ah chawhma, chawhnu leh zan inkhawm atan thupui hetiang hian siam a ni.
Chawhma Inkhawm
Thupui : ‘Lal inngaitlawm chu’
Chawhnu Inkhawm
Thupui : ‘Lal Isua kalna kawngah puante an phah’
Zan Inkhawm
Thupui : ‘Isua chu ropui takin a lo kal leh ang’