Worship
March 26, 2026 (Ningani) khan Ngopaah Music Training neihpuiin Tv. H. Lalthazuala, Instructor leh Tv. R. Lalrorelkima, Trainer te an kal.
March 28, 2026 (Inrinni) khan Leitan Kohhranah Music Training neihpuiin Pu H. Lalrinmawia, Senior Music Instructor a kal.
PES
March 27-28, 2026 chhung khan PES dil thar enfiah leh a awmsa tlawhin Rawpuichhip, Mamit, Mamit Hmunsam leh Damdiai-ah te Rev. Dr. Rosiamliana Tochhawng, Executive Secretary, Upa PC Vanlalhruaia, Supervisor of Schools leh Upa Lalthanzama, PES Sub-committee member te an kal.
Trust
March 27-28, 2026 chhung khan Dolchhora Pastor Quarters hmun tur en felin Pu Lalramenga Royte, JE leh Pu J. Malsawma, OA te an kal.
April 1, 2026 (Nilaini) hian Tlungvel Vengthar Pastor Quarters ram en felin Upa Thangliankhuma, AE leh Pu J. Malsawma, OA te an kal.
Prison Ministry
March 27 leh 28, 2026 (Zirtawpni) khan Synod Prison Ministry hnuaia Counsellor mi 3 te chu Synod Prison Ministry (SPM) Director, Rev. Lalhleia hoin Mamit District Jail-ah Counselling pein an kal a. Kolasib-a FG&CC Counsellor Rev. T. Lalthafamkima leh SPM Counsellor a lo thawk tawh mi 2 ten an pui bawk. Kolasib District Jail-ah hian tang mek mi 84 an awm a ni.
MSSU
March 28, 2026 (Inrinni) khan Sunday School Zirtirtu Training neihpuiin Trainer te hetiang hian an chhuak:
Centenary Kohhranah Upa Dr. Lalhmachhuana, Upa Lalchuailova leh Upa C. Lalbiaksanga
Tanhril Vengthar Kohhranah Upa Hrilthansanga, Upa Zionparlawma leh Upa Lalbiakliana
March 31, 2026 (Thawhlehni) khan Himali Bialah Sunday School Zirtirtu Training neihpuiin Trainer-te Upa K. Vanlalnghaka leh Upa K. Zoremsanga te an kal.
SL&PB
March 28-29, 2026 chhung khan Vanchengpui Kohhranah Literature Seminar leh Campaign neiin Pu Zohmangaiha, Asst. Editor leh Upa Lalrammawia Ngente, BEC te an kal.
March 28, 2026 (Inrinni) khan Phunchawng Kohhranah Literature Seminar leh campaign neiin Pu Eric Lalnunmawia, OA leh Upa K. Lalthawmmawia, BEC te an kal.
Mizoram Christian College (MCC)
March 30, 2026 (Thawhtanni) khan International Women’s Day pualin College-ah hun an hmang a, he hunah hian Prof. Lalbiakdiki Hnamte, Department of Education, Mizoram University-in hun hmangin zirlaite fuihna thuchah a sawi a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Mamit Lungsir Biak In kawmthlang leimin dawlna atan Rs.20,00,000/-, Thingthelh Biak in compound leimin dawlna atan Rs.20,00,000/-, Khuangphah Biak in ram leimin hlauhawm venna tur lungrem nan Rs.10,00,000/-, Damparengpui Tlangnuam Preaching Station Biak In hmun dawlna atan Rs.6,00,000/-, Bukpui khuaa in kang chhungkaw pakhat hnenah Rs.20,000/-, Lungleng I-a damlo mi pahnih hnenah Rs.10,000/- ve ve, Melthum khuaa damlo mi pahnih hnenah Rs.10,000/- ve ve, Zote khuaa damlo mi pakhat hnenah Rs.10,000/- leh Bawrai khuaa khawsak harsa chhungkaw pakhat hnenah Rs.10,000/- pek a ni.