Trust
April 10, 2026 (Zirtawpni) khan Hnahthial PES building sak that tur en puiin Pu Kros Nuntluanga, J.E. a kal.
Worship
April 11, 2026 (Inrinni) khan Tanhrial Vengthar Kohhranah Music Training neihpuiin Pu Benjamin Sailo, Music Instructor a kal.
April 15-17, 2026 chhung hian Zamuangah Music Training neihpuiin Pu Benjamin Sailo, Music Instructor leh Tv. Manase H. Saphmingthanga, Trainer te an kal.
MSSU
April 11, 2026 (Inrinni) khan Sunday Zirtirtu Training neihpuiin Trainer-te hetiang hian an chhuak:
Chanmari West Hmar Kohhranah Upa K. Vanlalnghaka, Upa Zohmangaiha leh Upa Dr. HP Lalropuia
Kulikawn West Kohhranah Upa Lalthanchhunga leh Upa K. Zoremsanga
Khatla North Kohhranah Upa Hrilthansanga, Upa Zionparlawma leh Upa B. Malsawmtluanga
Social Front
April 11-12, 2026 chhung khan Ngopaah Tuihna, nungcha leh ramngaw humhalh Awareness Campaign neiin campaigner-te, Upa Prof. Lalnuntluanga leh Er. H. Duhkima te an kal.
April 12, 2026 (Pathianni) khan Upper Republic Kohhranah HIV leh Ruihhlo do chungchang Awareness neiin Dr. Lalchhanhima Ralte, campaigner a kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Pangbalkawn Bial chhunga thli leh ruah avanga harsatna tawk chhungkaw 26 hnenah Rs.2,57,000/-, Gurguti Salka Kohhran Hall chhia siam that nan Rs.30,000/-, Luangpawl Kohhran Hall chung ruah leh rial tih chhiat siam that nan Rs.30,000/-, Phullen Vengthar Bial chhunga damlo mi pali hnenah Rs.10,000/- theuh, Saikhawthlir khuaa khawsak harsa chhungkaw pakhat hnenah Rs.10,000/-, Kualmawi khuaa damlo mi pakhat hnenah Rs.10,000/-, Mamit Dinthar damlo mi pahnih hnenah Rs.10,000/- ve ve, Sesawng Vengthara damlo mi pahnih hnenah Rs.10,000/- ve ve leh Selam khuaa damlo mi pahnih hnenah Rs.10,000/- ve ve pek a ni.