April 24-26, 2026 chhung hian Mizoram Presbyterian Kohhran Bial hrang hrangah Bial Inkhawmpui neih a ni ang.
April 24, 2026 (Zirtawpni) zanah Palai lawmna & Report Inkhawm neih a ni ang a, April 25, 2026 (Inrinni)-ah Rorel a ni ang a, zanah vantlang Pathian Biak inkhawm neih a ni ang. April 26, 2026 (Pathianni) Chawhma, Chawhnu leh Zanah te vantlang Pathian Biak inkhawm neih a ni ang a. Chawhnu inkhawmah Lalpa Zanriah Sakramen theh a ni ang a, zan inkhawmah Bial Chairman kalchhuak turten Valedictory Sermon an sawi ang. Pathian Biak Inkhawm hun hrang hrangah thupui sawi tura ruatten thuchah an sawi bawk ang
Inkhawmpui hman dan tur leh programme kimchang chu Bial Nomination Committee-in an ngaihtuah thin a. Bial Inkhawmpui hi April thla Pathianni vawi 4-naah neih thin a ni a, eng emaw rokhawlhna avanga hmang hma hret leh hmang tlai hret an awm bawk.