Vawiin (May 8, 2026) chawhma dar 10 khan J.M. Lloyd Hall, Synod Office-ah PRESCOM Committee vawi 184-na an thu.
Thut khawm hi Rev. John Raldosanga, Synod Moderator-in a kaihruai a, Rev. Dr. K. Lallawmzuala, Executive Secretary a damloh avangin Upa Lalmuanpuia, PRESCOM Coordinator-in report a pe. Report-ah Synod Bookroom hawn hun leh khar hun chungchang te, Synod Press Building sak leh Synod Press kal dan tur chungchang te, Synod Bookroom Software thar tlangzarh a nih thu te, October 21, 2025 atanga May 7, 2026 chhunga lehkhabu chi hrang hrang 52 tihchhuah a nih thu te, Synod bookroom hnathawh dan hrang hrang te leh 2025 – 2026 chhunga PRESCOM sum dinhmun te tarlan a ni.
Tun tum thut khawmah hian thurel tura chhawpchhuah pali a awm a, chung zingah chuan Synod Press kal zel dan tur chungchang te, Pawlrang Synod Bookroom Distribution Centre kang chungchang te a tel a ni.
For more Pics Click Here