Vawiin (May 12, 2026) khan College of Nursing, Synod Hospital, Durtlang chuan International Nurses Day, 2026 chu Multipurpose Hall, College of Nursing-ah hlawhtling takin an hmang.
He ni hi khawvela nurse hmasa leh entawntlak ber Florence Nightingale pian champha (May 12) pualin kum tin khawvel pumah hman thin a ni.
He hunah hian Dr. Lalnunnemi, Medical Superintendent, Synod Hospital chu thusawi tur atan sawm niin Pi RC Lalrengpuii, Principal, College of Nursing chuan kumin Nurses Day thupui “Our Nurses, Our Future, Empowered Nurses save lives” tih hmangin thu a sawi.
RC Lalrengpuii chuan nurse-te chu hriselna kawnga innghahna bulpui ber an nih thu leh khawtlang hriselna humhalhna kawngah an pawimawhzia a tarlang a. Khawvel damlo enkawlna sum tam tak humhimtu an nih thu sawiin, nurse hna chu sumdawnna mai a nih loh thu a sawi bawk.
Dr. Lalnunnemi chuan Florence Nightingale nun atanga zir tur tam tak a awm thu leh nurse hna chu rawngbawlna thianghlim a nih thu a sawi a. Nurse zirlai kalkhawmte chu rinawmna, taimakna leh lainatna nena an hnathawhnaa ding tlat turin a fuih.
He hunah hian zirlai ten hla leh item chi hrang hrang an entir bawk.