Vawiin (May 22, 2026) chawhma dar 11 khan SHSS Multipurpose Hall-ah Synod Higher Secondary School chuan HSLC & HSSLC (Science & Arts) Exam, 2026-a tithate lawmpuina (Felicitation) hun an hmang.
He hun hi Rev. Dr. Rosiamliana Tochhawng, Executive Secretary i/c Education, Mizoram Synod chuan Khuallian niin a hmanpui.
Pu K. Lallianzuala, Principal, Synod HSS chuan he hun hi a kaihruai a, Pi Lalthanmawii, Class IX Coordinator-in hunserh a hmang a, khuallian Rev. Dr. Rosiamliana Tochhawng, Executive Secretary-in thu a sawi a, zirlai titha mi pathum ten thu tawi an sawi bawk.
Zirlai mi 87-te hnenah lawmpuina hlan an ni a, Synod HSS Alumni Association te’n HSLC & HSSLC-a tithate lawmpuina an hlan bakah Synod HSS (1986 Batch) atangin HSLC-a School Top 3-te lawmpuina hlan an ni bawk.
Zirlai titha Top 3 te chu:
1. Zakaria Vanhmingmawia (Synod HSS Topper in HSLC)
2. Joseph Lalhriatzuala (Synod HSS Topper in HSSLC (Sc))
3. Josephine Lalnunmawii (Synod HSS Topper in HSSLC (Arts)) te an ni.
Synod HSS atanga HSLC & HSSLC exam-a Distinction-a pass zawng zawng-
HSLC-ah 46
HSSLC (Science)-ah 7
HSSLC (Arts)-ah 34
Zirlai tithate lawmpuina hunah hian zirlaite leh thawktute mai bakah School Alumni hruaitute leh HSLC (1986 Batch)-te an tel a ni.
For more Pics Click Here