Kohhran Hmeichhia
May 16-17, 2026 chhung khan Leadership Training leh Kristian Chhungkaw Campaign neiin Central Kohhran Hmeichhe Hruaitute hetiang hian an chhuak:
Hortoki Bialah Pi Zohmingliani, Finance Secretary leh Pi Lalramngaii, committee member
W. Phaileng Bialah Pi Vanlalhluni, Treasurer leh Pi H. Lalthasiami, committee member
MSSU
May 16, 2026 (Inrinni) khan Lawngtlai Chanmari Bialah Sunday School Zirtirtu Training neihpuiin Trainer-te Upa Lalthanchhunga leh Upa Isak Zarzoliana Chhangte te an kal.
Social Front
May 17, 2026 (Pathianni) khan Youth For Christ, Ramthar North Kohhranah HIV leh Ruihhlo do chungchang Awareness Campaigner neiin Pu Alan Lalmuanpuia, campaigner a kal.
May 17, 2026 (Pathianni) khan Salem Veng Kohhranah HIV leh Ruihhlo do chungchang Awareness Campaig neiin Upa Dr. J. Lalramchhuanga, campaigner a kal.
Campus Ministry
May 18, 2026 (Thawhtanni) khan St. Anthony's Higher Secondary School-ah Cancer Awareness programme hun an hmang a, he hunah hian Japan International Cooperative Agency (JICA) Project lam atangin mi thiam Keiko Nagai, International Expert in Health Promotion, Dr. Gonxha Lalruatfeli, Local Expert in Health Promotion leh Puipuii Hmar, Local Project Coordinator ten hun an hmang a ni.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Saikhawthlir Vengthar Preaching Station Sunday School Hall leh Choka chung leh bang chhia siam that nan Rs.40,000/-, Tuidam khuaa damlo mi pakhat hnenah Rs.30,000/-, Chuhvel khuaa damlo mi pathum hnenah Rs.30,000/-, Hmunpui khuaa in chhia chhungkaw pakhat hnenah Rs.18,000/-, Kawrtethawveng khuaa damlo mi pakhat hnenah Rs.10,000/-, Sairang Dinthara in kang leh damlo mi pahnih hnenah Rs.22,000/-, West Serzawl khuaa damlo mi pakhat hnenah Rs.10,000/-, Luangpawn khuaa damlo mi pahnih hnenah Rs.10,000/- ve ve, Sihthiang khuaa damlo mi pakhat hnenah Rs.10,000/-, East Phaileng khuaa khawsak harsa chhungkaw pakhat hnenah Rs.10,000/-, Tlangnuam Vengthara damlo mi pakhat hnenah Rs.10,000/-, Lungtan khuaa damlo mi pakhat hnenah Rs.10,000/-, Mission Venga khawsak harsa chhungkaw pakhat hnenah Rs.10,000/- leh Thingthelh khuaa damlo mi pakhat hnenah Rs.10,000/- pek a ni.