Synod Prison Ministry chuan a vawi 7-nan Ex-Prison inmates Follow-up programme chu May 23, 2026 (Inrinni) khan Armed Veng Kohhran Golden Jubilee Hall-ah an hmang a. Pu Lalduhoma, Mizoram Chief Minister, Pu R. Vanlalsawta, IG Prison leh Pu Zosangliana, AIG ten an hmanpui.
Chawhma hun hi Rev. Dr. Rosiamliana Tochhawng, Executive Secretary i/c SPM-in a kaihruai a, Chief Minister Pu Lalduhoma’n thu a sawi a. Ex-prisoner atangin testimony ngaihnawm tak tak ngaihthlak a ni a, Seraphic Choir leh Nl. R. Lalrinmawii te an zai bawk.
Chawhnu hun hi Rev. Lallianmawia Pachuau, SPM Committee member-in a kaihruai a, Jail tang chhuak te hnen atangin testimony ngaihthlak a ni. Hemi ni hian Jail tang chhuak ten an kut chhuak thil siam chi hrang hrang an pho chhuak bawk.
He hunah hian Armed Veng Bial chhunga Kohhran Committee leh fellowship hrang hrang - KTP, Kohhran Hmeichhia leh Kohhran Pavalai Pawl atangin committee member mi 160 an tel a. Bial pawn lam atanga kal SPM Counsellor, SPM Committee member, CMO Office leh Ex-Prisoner mi 142 te nen, an vaiin mi 302 an kal a ni.
Mizoram Synod hian Jail-a rawngbawlna hi kum 1984 atang khan a lo kal pui tawh a ni.
For more Pics Click Here