Vawiin (May 27, 2026) chawhma dar 10:30 khan Presbyterian Church of India (PCI) ruahmannain Consultation on Women’s Ordination (Hmeichhiate nemngheh chungchanga inrawnkhawmna), YRC, Falkland-ah neih a ni.
Programme hi hun hnihah then a ni a, hun khatna hi Rev. D.C. Hai, Chairman, Sub Committee on Women Ordination-in a kaihruai a, Rev. John Raldosanga, Mizoram Synod Moderator-in kal khawmte inlawmna thu a sawi a, Rev. Dr. B. Lalnunzira, Administrative Secretary, PCI-in inhmelhriattirna a nei a, chawhma hunah hian paper I-na - Hmeichhe Nemngheh : Bible Thuchah leh Pathian Thu Chhui zauna atanga thlirna tih chu Rev. Dr. Vanlalnghaka Ralte-in a chhiar a, sawi hona neih a ni.
Hun hnihna chawhnu hun hi Rev. G.S. Lyttan, Sub Committee Member-in a kaihruai a, paper II-na – Hmeichhe Nemngheh : Hnam zia leh Kohhran atanga thlirna tih chu Rev. Dr. K. Lalrinkima, Sub Committee member leh ATC Principal-in a chhiar chhuak a, sawi hona neih zui leh a ni.
Consultation hi PCI General Assembly-a Women Ordination chungchang thurel bawhzuina kal zel a ni a, PCI chuan Women Ordination chungchangah Synod tinte Consultation nei turin ruahmanna a siam a, Mizoram Synod hi Zone thumah then a ni a, Consultation hi May 26, 2026 (Thawhlehni) khan Kolasib Venglaiah neih a lo ni tawh a, May 29, 2026 (Zirtawpni) hian Serchhip Kawnpuiah neih leh a ni ang. Consultation-a ngaihdan hrang hrangte hi PCI General Assembly-ah ngaihtuah leh a ni dawn a ni.