Synod Prison Ministry
June 5, 2026 (Zirtawpni) khan Synod Prison Ministry buatsaihin Ramhlun Vengchhak Kohhran Hall-ah Jail tang zirchianna Seminar programme hman a ni.
Programme hi hun hnihah then a ni a, hun khatna hi Upa Chawngsailova, SPM Sub Committee member-in a kaihruai a, Rev. Lalhleia, Director, Synod Prison Ministry-in zirchianna an neih chhan sawiin, Mizorama Kohhran, Pawl leh mimal thahnemngaite rawngbawlnate sawt zawka kalpui dan a awm leh awm loh hriat nan te, sawt zawka hmalak dan tur chungchang te leh chhungkaw tha neih theihna turin engtia hmalak tur nge ni ang, tih te chu zirchiannain a tum ber a nih thu a sawi a, hei bakah hian Jail tangte dinhmun zirchianna paper a chhiar chhuak a, sawi hona neih a ni bawk.
Chawhnu hun hi Rev. Malsawmtluanga, SPM Committee member-in a kaihruai a, Rev. Lallianmawia Pachuau, SPM Committee Member-in Jail tangte zirchianna atanga Kohhran te zir tur tih thupui a chhiarchhuak a, sawi hona neih leh a ni.
Seminar-ah hian Prison Ministry Counsellor te, Revival Speaker te, MSSU Trainer te, Social Front Campaigner te, Campus Ministry Campaigner te, Central Kohhran Hmeichhia leh Central KTP aiawh te bakah thlengtu Kohhran hruaitute nen an vaiin mi 109 an kal a ni.
Zirchiannaa a landan chuan khawpuiah sualna a pung nasa hle a, tang zingah mipa dan bawhchhia 91.4% a tling a, 8.4% hmeichhia an ni. Zu/drugs leh Ruihhlo tawlhruk vanga tang 47.8% an awm a, Jail tang zingah kum 18-40 inkar 76.7% an awm bawk.
MSSU
June 5, 2026 (Zirtawpni) zan khan Armed Veng North Kohhranah Sunday School Zirtirtu Training neihpuiin Trainer-te, Upa C. Lalbiaksanga, Upa Lalrinawma Ralte leh Upa Dr. HP Lalropuia te an kal. 
Kristian Thalai Pawl
June 6-7, 2026 khan Khuangleng Bial Golden Jubilee lawmna hmanpuiin Central KTP hruaitute, Pu Nicholas Lalbiakzuala, Asst. Leader leh committee member-te, T.Upa C. Rohmingliana leh Pu Lalmuanawma te an kal.
Social Front
June 7, 2026 (Pathianni) khan Zotlang Kohhranah Ruihhlo do & HIV/AIDS Awareness Campaign neiin Pu Alan Lalmuanpuia, Campaigner a kal. 
Campus Ministry
June 8, 2026 (Thawhtanni) khan Presbyterian English School, Govt. High School leh Govt. Higher Secondary School, Sialsukah te rawngbawlna neiin Rev. Johny Lalremfela, Director bakah Resource Person-te, Upa Lalnunsiama Khalthang leh Pu C. John Saiparliana te an kal a. Pathian thu bakah Moral Reform chungchang te, Drug Awareness campaign te neiin hun an hmang a ni. 
PES
June 10-11, 2026 chhung khan Sakawrdai Kohhranah PES Awareness Campaign leh PES thenkhat tlawh kualin Upa PC Vanlalhruaia, Supervisor of Schools leh PES Sub Committee member-te, Upa Lalthanzama leh Rev. Malsawmdawngliana te an kal.
Trust
June 10, 2026 (Nilaini) khan Bungtlang Pastor Quarters thar hawng leh Tlungvel Vengthar Pastor Quarters sak tur en felin Rev. V.L. Luaia Hranleh, Senior Executive Secretary leh Pu Lalhriatrenga, JE te an kal.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
Falkawn khuaa in kang chhungkaw pakhat hnenah Rs.20,000/-, Tlangnuam Vengthlanga khawsak harsa chhungkaw pakhat hnenah Rs.10,000/-, Sihphir Hmar Veng-a khawsak harsa chhungkaw pakhat hnenah Rs.10,000/-, West Serzawla damlo mi pakhat hnenah Rs.10,000/- leh Vaitin khuaa damlo mi pakhat hnenah Rs.10,000/- pek a ni.