June 5 -13, 2025 chhung hian Rev B. Zohmangaiha, Synod Secretary leh Rev. Dr Rosiamliana Tochhawng, Executive Secretary-te chu Combodia leh Philippines Mission rawngbawlna thil tulah an zin mek.
Cambodia-ah hian Synod Mission Board rawngbawlpui tualchhung kohhran engemaw zatin kohhran pakhata insuihkhawm an duh a, tanpui turin SMB an ngen a. SMB chuan an ngenna chu tihhlawhtlin ngei a duh a. Rev B. Zohmangaiha leh Rev. Dr. Rosiamliana Tochhawng te hian Phonm Pehn khawpuiah heng inzawmkhawm duh pastor aiawh te hi an kawm a, hmalak dan tur an rel ho a ni a. Cambodia a Synod Mission Board rawngbawlna te an tlawh nghal bawk.
Cambodia-ah hian Synod Mission Board hian hun engemaw chen rawng a bawl tawh a, tunah hian Missionary Pastor leh missionary bakah tentmaker engemaw zahin rawng an bawl mek a ni.
Philipines khawpui Manila-ah Asian Conference on Church and Mission (ACCM 26) ah an tel zui a. He Conference hi Grace Christian Fellowship (GCF) Metro Church, Manila-ah neih niin khawvel ram hrang hrang 25 atangin palai 210 an tel a. Diciple or Die tih thupui hman a ni a, Isuan 'Zirtir-ah te siam rawh u' a tih pawimawh zia sawiho a ni.
For more Pics Click Here