Vawiin (June 23, 2026) khan Mizoram Sawrkar-in Govt. Aizawl College Building chu Mizoram Synod kuta hlanna hun, Planning & Programme Implementation Department, Committee Room, Treasury Square-ah hman a ni.
Programme hi Dr. Lalrozama, Commissioner & Secretary, H&TE-in a kaihruai a, Pu Laltanpuia, Director, H&TE-in report a pe a, Dr. Vanlalthlana, Minister, H&TE-in thu a sawi a, Mizoram Synod aiawhin Rev. V.L. Luaia Hranleh, Senior Executive Secretary leh Rev. Dr. Rosiamliana Tochhawng, Executive Secretary-ten thu an sawi a ni. In hlanna lehkhaah hian Mizoram Sawrkar aiawhin Dr. Lalrozama, Commissioner, H&TE, Pu Laltanpuia, Director, H&TE leh Pu K. Lalhmangaihzuala, Joint Secretary, H&TE leh Mizoram Synod aiawhin Synod Moderator, Rev. John Raldosanga, Synod Secretary, Rev. B. Zohmangaiha leh Senior Executive Secretary, Rev. V.L. Luaia Hranleh ten hming an sign a ni. Govt. Aizawl College building man atan hian Sawrkarin a phut angin Rs. 3,18,92,300.00 chu Synod hian a hlan nghal a ni.
Aizawl College hi August 25, 1975-ah din a ni a. Building nei mumal loin hmun hrang hrangah class neih thin a ni a, rei fe Deficit status-a awmin 1989-ah provincialize a ni a. Sikulpui leh Sikulsen-te Sawrkar kuta a awm laiin a compound-ah hian Govt. Aizawl College building sak a ni. January 7, 2026 khan H&TE Minister Dr. Vanlalthlana kaihhruaina hnuaiah Department aiawhte leh Mizoram Synod aiawhten building inhlan chungchang an ngaihtuah a, chutah chuan Drafting Committee din a ni a, Drafting committee chuan hma la nghalin building inhlanna hun hi hman a lo ni ta a ni. May 29, 2019 khan Mizoram Synod kutah Sikulpui pawh hlan a lo ni tawh a ni.
