Vawiin (June 25, 2026) zing dar 9 khan Synod Higher Secondary School, Multipurpose Hall-ah Smart Classroom Pathian hnena hlanna leh hawnna neih a ni a, hemi hunah hian Rev. Dr. Rosiamliana Tochhawng, Executive Secretary chu khuallian a ni.
Programme hi Pu Lalremchhunga Pachuau, Vice Principal-in a kaihruai a, Pu K. Lallianzuala, Principal-in Technical report a pe a, khuallian Rev. Dr. Rosiamliana Tochhawngin thu sawiin Pathian hnenah a hlan a, khuallian chuan khawvel mamawh chhanna Lal Isua a nih thu te, Technology thil reng reng hi tunah hian hman tangkai theihin alo awm ta a, a tangkai thei ang bera hmang tura a duhsak thu a sawi a, he hunah hian Class XII zirlai atangin Trio ngaihthlak a ni bawk. Hall-a hlanna programme hman anih hnuah Class room-ah Inauguration programme neih leh a ni.
He project ‘Smart Class Room’ hi kum 2013 atang daih tawha Synod Education Board hmalakna leh Synod remtihnain Synod Higher Secondary Science Stream-ah tan a ni a. Heng Hardware leh Software te hi Next Education India Private Ltd. Company te thawh hona thuthlung siama neih a ni a. Kum 2024 khan Smart City Project atangin (Trueview) pahnih, a stand leh UPS an lo dawng tawh bawk. Synod Higher Secondary School-ah hian Class Room – Secondary Section-ah 10, Higher Section-ah 12, leh Smart class room 2, a vaiin Room 24 a awm a, chung Class 24-ah chuan Interactive Flat Panel dah vek a ni.