Social Front
June 26, 2026 (Zirtawpni) khan Darlawng Kohhranah HIV leh Ruihhlo chungchang Awareness Campaign neiin Dr. Robert S. Halliday, Campaigner a kal.
June 27-28, 2026 chhung khan Phullen Bialah Political Education Campaign neiin Campaigner-te, Rev. Lalrinmawia, Rev. K. Lalrinmawia te an kal.
June 27-28, 2026 chhung khan Ratu Bialah Ruihhlo laka invenna Awareness Campaign neiin Campaigner-te, Rev. Dr. Lalawmpuia Hauhnar, Rev. V.L. Krosschhuanmawia, leh Rev. H. Lalbiakhluna te an kal.
June 28, 2026 (Pathianni) khan Chawnpui Kohhran Tleirawl Inkhawmah Sum leh pai inrenchem chungchang inzirtirna Campaign neiin Rev. Dr. K. Lalchhuanawma, Campaigner a kal.
Kristian Thalai Pawl
June 23, 2026 (Thawhlehni) khan KTP Hnahlan Branch Platinum Jubilee lawmna hmanpuiin committee member-te, Pu Vanlalremliana leh Pu F. Lalawmpuia an kal.
June 26-28, 2026 chhung khan North Hlimen Bial Kum chanve intawhkhawm hmanpuiin Pu Lalruatpuia, Asst. Secretary leh committee member-te, Upa Rex Mawia Th. Ngaihte leh Dr. C. Lalchhanhima te an kal.
June 26, 2026 (Inrinni) khan Sesawng Bial KTP buatsaihin Account vawn dan training Mualmam Kohhran Hall-ah neih a ni a. Central KTP atangin committee member-te, Pu Rochhingpuia leh Pu Elisianmawia te an kal.
June 26, 2026 (Zirtawpni) khan New Serchhip Bialah Leadership Training neihpuiin committee member-te, T.Upa Lalremsiama Khiangte leh T. Upa Laldinpuia te an kal. Training-ah hian Bial chhung Branch hrang hranga Branch Committee chin leh Bial Committee te an tel a, mi 75 vel an tel thei a ni.
June 27, 2026 (Inrinni) khan Sairang Bial KTP Kum Chanve Intawhkhawm hmanpuiin Upa Lalzarmawia, General Secretary leh Tv. C. Lalromawia, Committee Member te an kal a, chhûn lamah Tv. C. Lalromawia, Committee Member-in Kohhran tawngkam leh Mizo tawng hman dan dik zirtirna hun a hmang a, zan inkhawmah Upa Lalzarmawia, General Secretary-in Pathian thuchah a sawi.
Synod Relief Fund
Tun hnaia harsatna hrang hrang tawkte hnenah hetiang hian Synod Relief Fund pek a ni.
West Phaileng Chhimvenga in kang chhungkaw pakhat hnenah Rs.20,000/-, Lengte khuaa khawsak harsa chhungkaw pakhat hnenah Rs.10,000/-, Kanghmun South-a damlo mi pakhat hnenah Rs.10,000/-, Lily Veng North-a damlo mi pakhat hnenah Rs.10,000/- leh Vairengte Hmarvenga damlo mi pakhat hnenah Rs.10,000/- pek a ni.