Vawiin (Aug. 12, 2026) khan National Librarian’s Day lawmna, Multipurpose Hall, College of Nursing, Synod Hospital, Durtlangah hun hman a ni.
National Librarian’s Day hi Father of Library Science tia vuah, Padma Shree Dr. S.R. Ranganathan (1892-1972) piancham hriatreng nan leh chawimawi nan India ram pumah lawm thin a ni.
National Librarian’s Day lawmna hunah hian College Principal Pi R.C. Lalrengpuii’n inlawmna hun a hmang a, Dr. Lalbiaksanga Hnamte, Librarian-in inhmelhriattirna neiin Library report a pe. Resource Person atana sawm Dr. S. Lalnunpuia, College Librarian, Govt. T. Romana College chuan National Librarian’s Day theme: Libraries: Connecting People, preserving knowledge, Empowering the Future tih thupui chu a sawi a, Ms. Ramdinmawii, Tutor-in lawmthu sawiin he hun hi a khar a ni.
National Librarian’s Day programme hi zirlai ten lehkha chhiar an uar lehzual nan leh Library hmang tangkai lehzual tura inzirtirna atana programme tangkai tak a nih avangin kum tinin an hmang thin a ni. A lawmna kalzel atan Signature campaign leh Poster design competition-te a chhunzawm zel tura ruahman a ni.
