Nizan (Aug. 17, 2026) zan khan Synod Worship committee buatsaihin Residential Choir Conductors' Training vawi 30-na, Youth Recreation Centre, Falkland-ah hlanna inkhawm neih a ni a, training-ah hian mi 27 an tel a ni.
Training hlanna inkhawmah hian Pu John Lalhruaitluanga, Coordinator-in programme a kaihruai a, T.Upa H. Lalrinmawia, Senior Music Instructor-in inhmelhriattirna leh training kalphung tur te a sawi a, hemi hunah hian Nl. DJ Lalverhimi, Chanmari a zai bawk.
Training chhung hian chhun leh zanah class neih thin a ni ang a, Synod Music School instructor ten subject hrang hrang – Scales, Technical Name, Conducting, Vocal, Chord, Harmonization, World Music Culture te bakah zai hruaina atana thil pawimawh hrang hrangte an zirtir dawn a ni.
Training kharna hun hi August 20, 2026 (Ningani) zanah neih a ni ang a. Kharna inkhawm hi Pu John Lalhruaitluanga, Coordinator-in a kaihruai ang a, Pu H. Lalrinmawia, Senior Music Instructor-in report a pe ang. Rev. Dr. Rosiamliana Tochhawng, Executive Secretary i/c Worship-in training chhuakte hnenah Certificate hlanin thu tawi a sawi ang a, Nl. Wendy Zaithanpuii, Zarkawt a zai bawk ang.