Synfo leh Central KTP tangkawpin an buatsaih Praise On 2026 - Mal zai Intihsiak chu August 21, 2026 (Zirtawpni) zan dar 8:00 khan Pathian hnena hlanna inkhawm, Synfo Studio-ah neih a ni.
Hlanna inkhawm hi Praise On 2026 Host Nl. Eunik Lalnunfeli’n kaihruaiin Central KTP Leader Rev. Dr. K.M. Vanlalpeka’n hunserh a hmang a, Synfo Reality Show Sub-Committee Secretary Pu C. Zohmingliana’n inhmelhriattirna neiin report a pe a. Synod Moderator Rev. John Raldosanga’n Praise On 2026 - Mal zai intihsiak neih tur chu tawngtaiin Pathian hnenah a hlan a ni. He hunah hian Tv. Lalthlanawma, Praise On 2024 winner a zai a, Rev. K. Zoramhlua, Synfo Committee member-in malsawmnain inkhawm a tin a ni.
Tun tum Praise On 2026-ah hian Audition Round-ah Video Clip hmanga intihsiak a ni dawn a, Second Round-ah Acoustic Guitar & Keyboard hmangin Synfo Studio-ah neih leh a ni ang a, Top 50 Round-ah Music Track hmangin Synfo Studio-ah intihsiakna neih chhunzawm leh a ni ang a,Top 10 hi YRC, Falkland-ah Live Instrument hmangin zan hnih intihsiakna neih leh a ni ang a, intihsiak tawp zanah result puan nghal a ni ang.
Praise On 2026 - Mal zai intihsiak lawmman atan Pakhatna Rs. 1,20,000/-, Pahnihna Rs. 70,000/-, Pathumna Rs. 50,000/- leh Consolation Prize (Top Ten tling chin mi 7 tan) Rs. 10,000/- hlan an ni ang.