August 22, 2026 (Inrinni) chhun dar 11:00 khan J.M. Llyod Hall, Synod Office-ah Synod Resource Centre-a member tharte pualin kawng inkawhhmuhna hman a ni.
He hun hi Rev. Dr. K. Lallawmzuala, Executive Secretary-in a kaihruai a. K. Lallianzuala, Secretary, Zirlai Viltu Committee chuan memberte leh kalkhawmte inhmelhriattirna neiin, ZVC leh Synod Resource Centre lo indin dan leh kalphung a sawi a. Rev. Dr. K. Lalrinkima, Principal, ATC, ZVC Member te, R.L. Rinawma, IRS (Rtd.), ZVC Member te leh Lallungmuana, SRC Director ten member te fuihin thu an sawi a ni.
Member thar mi 26 leh an nu leh pate an rawn kal a. Rev. Dr. F.H. Liansangzuala, ZVC Member, Associate Professor, ATC-in kalkhawmte hnenah lawmthu sawiin hun a khar a ni.
ZVC hi SEC Sub-committee niin, kum 2019-a din a ni a. All India Services leh Central Services (Group A & B)-ah Mizo te an tlin tam theihna tura Mizoram Synod aiawh hmalakna a ni.